కొవ్వూరు వైసీపీలో కలకలం.. పోటీకి చైర్‌పర్సన్ అభ్యర్థి నిరాకరణ
- కొవ్వూరు మున్సిపల్ చైర్‌పర్సన్ అభ్యర్థిగా మన్నె పద్మను ఎంపిక చేసిన వైసీపీ
- పేరు ప్రకటించిన మరుసటి రోజే పోటీకి విముఖత వ్యక్తం చేసిన పద్మ
- ఆమెను బుజ్జగించేందుకు యత్నించి విఫలమైన సీనియర్ నేతలు
స్థానిక సంస్థల ఎన్నికల వేళ తూర్పుగోదావరి జిల్లా కొవ్వూరు వైఎస్సార్ కాంగ్రెస్ పార్టీలో అనూహ్య పరిణామం చోటుచేసుకుంది. మున్సిపల్ చైర్‌పర్సన్ అభ్యర్థిని ప్రకటించిన కొన్ని గంటల్లోనే ఆమె పోటీ నుంచి తప్పుకుంటున్నట్లు ప్రకటించడం పార్టీ వర్గాల్లో తీవ్ర కలకలం రేపింది. ఈ పరిణామంతో స్థానిక నాయకత్వం ఒక్కసారిగా గందరగోళంలో పడింది.
కొవ్వూరు మున్సిపల్ చైర్‌పర్సన్ అభ్యర్థిగా మన్నె పద్మ పేరును వైసీపీ అధిష్ఠానం గురువారం రాత్రి ఖరారు చేసింది. ఈ నేపథ్యంలో శుక్రవారం ఉదయం మాజీ మంత్రి వేణుగోపాల కృష్ణ, మాజీ ఎమ్మెల్యేలు జక్కంపూడి రాజా, తలారి వెంకట్రావు తదితర సీనియర్ నేతలు ఆమెను కలిసేందుకు వెళ్లారు. ఆమె తండ్రి, మాజీ ఎమ్మెల్సీ కొడాలి శివరామకృష్ణ నివాసంలో ఈ భేటీ జరిగింది.
అయితే, ఈ సమావేశంలో మన్నె పద్మ తాను ఎన్నికల్లో పోటీ చేయలేనంటూ విముఖత వ్యక్తం చేశారు. సీనియర్ నాయకులు ఎంతగా నచ్చజెప్పే ప్రయత్నం చేసినప్పటికీ ఆమె తన నిర్ణయాన్ని మార్చుకోలేదు. దీంతో చేసేదేమీ లేక నేతలు అక్కడి నుంచి వెనుదిరిగి, ఈ విషయాన్ని పార్టీ అధిష్ఠానం దృష్టికి తీసుకెళ్లినట్లు సమాచారం.
మన్నె పద్మ తండ్రి కొడాలి శివరామకృష్ణ గతంలో ఐదుసార్లు కొవ్వూరు మున్సిపల్ చైర్మన్‌గా పనిచేశారు. రాజకీయంగా బలమైన నేపథ్యం ఉన్న కుటుంబం నుంచి వచ్చిన అభ్యర్థి పోటీకి నిరాకరించడం, ఇతర వార్డుల్లో పోటీకి సిద్ధమవుతున్న అభ్యర్థులను కూడా పునరాలోచనలో పడేస్తోంది. ఈ అనూహ్య పరిణామంతో కొవ్వూరు వైసీపీ శ్రేణుల్లో అయోమయ పరిస్థితి నెలకొంది.
కొవ్వూరు మున్సిపల్ చైర్‌పర్సన్ అభ్యర్థిగా మన్నె పద్మ పేరును వైసీపీ అధిష్ఠానం గురువారం రాత్రి ఖరారు చేసింది. ఈ నేపథ్యంలో శుక్రవారం ఉదయం మాజీ మంత్రి వేణుగోపాల కృష్ణ, మాజీ ఎమ్మెల్యేలు జక్కంపూడి రాజా, తలారి వెంకట్రావు తదితర సీనియర్ నేతలు ఆమెను కలిసేందుకు వెళ్లారు. ఆమె తండ్రి, మాజీ ఎమ్మెల్సీ కొడాలి శివరామకృష్ణ నివాసంలో ఈ భేటీ జరిగింది.
అయితే, ఈ సమావేశంలో మన్నె పద్మ తాను ఎన్నికల్లో పోటీ చేయలేనంటూ విముఖత వ్యక్తం చేశారు. సీనియర్ నాయకులు ఎంతగా నచ్చజెప్పే ప్రయత్నం చేసినప్పటికీ ఆమె తన నిర్ణయాన్ని మార్చుకోలేదు. దీంతో చేసేదేమీ లేక నేతలు అక్కడి నుంచి వెనుదిరిగి, ఈ విషయాన్ని పార్టీ అధిష్ఠానం దృష్టికి తీసుకెళ్లినట్లు సమాచారం.
మన్నె పద్మ తండ్రి కొడాలి శివరామకృష్ణ గతంలో ఐదుసార్లు కొవ్వూరు మున్సిపల్ చైర్మన్‌గా పనిచేశారు. రాజకీయంగా బలమైన నేపథ్యం ఉన్న కుటుంబం నుంచి వచ్చిన అభ్యర్థి పోటీకి నిరాకరించడం, ఇతర వార్డుల్లో పోటీకి సిద్ధమవుతున్న అభ్యర్థులను కూడా పునరాలోచనలో పడేస్తోంది. ఈ అనూహ్య పరిణామంతో కొవ్వూరు వైసీపీ శ్రేణుల్లో అయోమయ పరిస్థితి నెలకొంది.
