కివీస్‌తో పోరుకు సై.. భారత వన్డే, టెస్టు జట్లు ఇవే!

న్యూజిలాండ్‌తో త్వరలో జరగనున్న సుదీర్ఘ పర్యటన కోసం భారత క్రికెట్ కంట్రోల్ బోర్డు (బీసీసీఐ) వన్డే, టెస్టు జట్లను ప్రకటించింది. టీ20 సిరీస్ ముగిసిన అనంతరం ఇరు జట్ల మధ్య ఐదు వన్డేలు, రెండు టెస్టు మ్యాచ్‌ల సిరీస్‌లు జరగనున్నాయి. ఈ పర్యటనలో యువ ఆటగాడు శుభ్‌మన్ గిల్‌కు కీలక బాధ్యతలు అప్పగించారు. టెస్టు సిరీస్‌తో పాటు, వన్డే సిరీస్‌లోని తొలి మూడు మ్యాచ్‌లకు గిల్ కెప్టెన్‌గా వ్యవహరించనున్నాడు.

ఆసక్తికరంగా, వన్డే సిరీస్‌కు రెండు వేర్వేరు జట్లను సెలక్షన్ కమిటీ ఎంపిక చేసింది. తొలి మూడు వన్డేలకు శుభ్‌మన్ గిల్ నాయకత్వం వహించనుండగా, చివరి రెండు వన్డేలకు శ్రేయస్ అయ్యర్ జట్టును నడిపించనున్నాడు. సీనియర్ ఆటగాళ్లు రోహిత్ శర్మ, విరాట్ కోహ్లీ వన్డే సిరీస్‌కు ఎంపికయ్యారు. గాయం నుంచి కోలుకుంటున్న వికెట్ కీపర్ రిషభ్ పంత్ టెస్టు జట్టులోకి పునరాగమనం చేశాడు. అయితే, అతని ఎంపిక ఫిట్‌నెస్ క్లియరెన్స్‌పై ఆధారపడి ఉంటుందని బీసీసీఐ స్పష్టం చేసింది.

తొలి మూడు వన్డేలకు భారత జట్టు:
శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కేఎల్ రాహుల్ (వికెట్ కీపర్), నితీశ్ కుమార్ రెడ్డి, అక్షర్ పటేల్, నమన్ ధీర్, అన్షుల్ కంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహమ్మద్ సిరాజ్, ప్రసిద్ధ్ కృష్ణ (ఫిట్‌నెస్‌పై ఆధారపడి), కుల్దీప్ యాదవ్.

4, 5వ వన్డేలకు భారత జట్టు:
శ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వైస్ కెప్టెన్, వికెట్ కీపర్), నితీశ్ కుమార్ రెడ్డి, అక్షర్ పటేల్, నమన్ ధీర్, అకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్ర (వికెట్ కీపర్), మహమ్మద్ సిరాజ్, యశ్ ఠాకూర్, కుల్దీప్ యాదవ్.

టెస్టు సిరీస్‌కు భారత జట్టు:
శుభ్‌మన్ గిల్ (కెప్టెన్), యశస్వి జైస్వాల్, కేఎల్ రాహుల్ (వైస్ కెప్టెన్), దేవదత్ పడిక్కల్, రిషభ్ పంత్ (వికెట్ కీపర్, ఫిట్‌నెస్‌పై ఆధారపడి), ధ్రువ్ జురెల్ (వికెట్ కీపర్), రవీంద్ర జడేజా, అన్షుల్ కంబోజ్, జస్ప్రీత్ బుమ్రా, ప్రసిద్ధ్ కృష్ణ, ఆకాశ్ దీప్, సాయి సుదర్శన్, నితీశ్ కుమార్ రెడ్డి, వాషింగ్టన్ సుందర్, కుల్దీప్ యాదవ్, మహమ్మద్ సిరాజ్.

న్యూజిలాండ్ పర్యటన షెడ్యూల్
వన్డే సిరీస్

మ్యాచ్	తేదీ	వేదిక	సమయం (భారత కాలమానం ప్రకారం)
1వ వన్డే	నవంబర్ 04	ఆక్లాండ్	ఉదయం 7:30 గంటలకు
2వ వన్డే	నవంబర్ 07	వెల్లింగ్టన్	ఉదయం 7:30 గంటలకు
3వ వన్డే	నవంబర్ 10	హామిల్టన్	ఉదయం 7:30 గంటలకు
4వ వన్డే	నవంబర్ 13	మౌంట్ మాంగనూయి	ఉదయం 7:30 గంటలకు
5వ వన్డే	నవంబర్ 15	మౌంట్ మాంగనూయి	ఉదయం 7:30 గంటలకు

టెస్టు సిరీస్

మ్యాచ్	తేదీ	వేదిక	సమయం (భారత కాలమానం ప్రకారం)
1వ టెస్టు	నవంబర్ 19	వెల్లింగ్టన్	ఉదయం 3:30 గంటలకు
2వ టెస్టు	నవంబర్ 27	క్రైస్ట్‌చర్చ్	ఉదయం 3:30 గంటలకు