టీమిండియా ఆ విధంగా మారడానికి కారణం అతడే: సెహ్వాగ్
- టీమిండియాను నిర్భయంగా మార్చింది గంగూలీయే అన్న సెహ్వాగ్
- స్లెడ్జింగ్ చేస్తే తిరిగి స్లెడ్జింగ్ చేయాలన్నది దాదా పాలసీ అని వెల్లడి
- భారత జట్టు ప్రధాన శిల్పుల్లో గంగూలీ ఒకరని ప్రశంస
- 'రైజ్ & ఫాల్' రియాలిటీ షోకు వ్యాఖ్యాతగా వ్యవహరిస్తున్న వీరూ
భారత క్రికెట్ జట్టును నిర్భయమైన శక్తిగా తీర్చిదిద్దిన ఘనత మాజీ సారథి సౌరవ్ గంగూలీకే దక్కుతుందని టీమిండియా మాజీ డాషింగ్ ఓపెనర్ వీరేంద్ర సెహ్వాగ్ అన్నాడు. ప్రత్యర్థి ఎలా ఆడితే, మనం కూడా అదే శైలిలో దీటుగా బదులివ్వాలనేది 'దాదా' సిద్ధాంతమని, అదే జట్టులో సమూల మార్పులకు కారణమైందని పేర్కొన్నాడు.
ప్రస్తుతం తాను హోస్ట్ చేస్తున్న 'రైజ్ అండ్ ఫాల్' అనే రియాలిటీ షో ప్రమోషన్ సందర్భంగా సెహ్వాగ్ ఈ ఆసక్తికర వ్యాఖ్యలు చేశాడు. "టీమిండియాను భయం ఎరుగని జట్టుగా మార్చిన పూర్తి క్రెడిట్ దాదాకే దక్కుతుంది. అతడు కెప్టెన్సీ పగ్గాలు చేపట్టిన తర్వాత, ప్రత్యర్థి శైలిలోనే మనం కూడా ఆడాలని మాకు స్పష్టంగా దిశానిర్దేశం చేశాడు. ఆస్ట్రేలియా ఆటగాళ్లు స్లెడ్జింగ్ చేస్తే, మనం కూడా అదే స్థాయిలో బదులివ్వాలని, గౌరవం ఇస్తే తిరిగి గౌరవించాలని చెప్పేవాడు. అందుకే, ఆధునిక భారత క్రికెట్ జట్టును నిర్మించిన ప్రధాన శిల్పుల్లో దాదా ఒకరు" అని సెహ్వాగ్ కొనియాడాడు.
గంగూలీ నాయకత్వంలో విదేశీ గడ్డపై అత్యధిక మ్యాచ్‌లు గెలవడమే లక్ష్యంగా జట్టు ముందుకు సాగిందని సెహ్వాగ్ గుర్తు చేసుకున్నాడు. ఇదిలా ఉండగా, 'రైజ్ అండ్ ఫాల్' రియాలిటీ షో రెండో సీజన్‌కు వీరేంద్ర సెహ్వాగ్ వ్యాఖ్యాతగా వ్యవహరిస్తున్నాడు. గత సీజన్‌కు అష్నీర్ గ్రోవర్ హోస్ట్‌గా బాధ్యతలు నిర్వర్తించాడు. 15 మంది కంటెస్టెంట్లు 42 రోజుల పాటు అధికారం, వ్యూహ ప్రతివ్యూహాలతో సాగించే ఈ పోటీలో ఈసారి ప్రేక్షకులు కూడా ఓటింగ్ ద్వారా భాగస్వాములు కావొచ్చు. బనిజయ్ ఏషియా నిర్మిస్తున్న ఈ షో అమెజాన్ ఎంఎక్స్ ప్లేయర్‌లో ప్రసారం అవుతోంది.
ప్రస్తుతం తాను హోస్ట్ చేస్తున్న 'రైజ్ అండ్ ఫాల్' అనే రియాలిటీ షో ప్రమోషన్ సందర్భంగా సెహ్వాగ్ ఈ ఆసక్తికర వ్యాఖ్యలు చేశాడు. "టీమిండియాను భయం ఎరుగని జట్టుగా మార్చిన పూర్తి క్రెడిట్ దాదాకే దక్కుతుంది. అతడు కెప్టెన్సీ పగ్గాలు చేపట్టిన తర్వాత, ప్రత్యర్థి శైలిలోనే మనం కూడా ఆడాలని మాకు స్పష్టంగా దిశానిర్దేశం చేశాడు. ఆస్ట్రేలియా ఆటగాళ్లు స్లెడ్జింగ్ చేస్తే, మనం కూడా అదే స్థాయిలో బదులివ్వాలని, గౌరవం ఇస్తే తిరిగి గౌరవించాలని చెప్పేవాడు. అందుకే, ఆధునిక భారత క్రికెట్ జట్టును నిర్మించిన ప్రధాన శిల్పుల్లో దాదా ఒకరు" అని సెహ్వాగ్ కొనియాడాడు.
గంగూలీ నాయకత్వంలో విదేశీ గడ్డపై అత్యధిక మ్యాచ్‌లు గెలవడమే లక్ష్యంగా జట్టు ముందుకు సాగిందని సెహ్వాగ్ గుర్తు చేసుకున్నాడు. ఇదిలా ఉండగా, 'రైజ్ అండ్ ఫాల్' రియాలిటీ షో రెండో సీజన్‌కు వీరేంద్ర సెహ్వాగ్ వ్యాఖ్యాతగా వ్యవహరిస్తున్నాడు. గత సీజన్‌కు అష్నీర్ గ్రోవర్ హోస్ట్‌గా బాధ్యతలు నిర్వర్తించాడు. 15 మంది కంటెస్టెంట్లు 42 రోజుల పాటు అధికారం, వ్యూహ ప్రతివ్యూహాలతో సాగించే ఈ పోటీలో ఈసారి ప్రేక్షకులు కూడా ఓటింగ్ ద్వారా భాగస్వాములు కావొచ్చు. బనిజయ్ ఏషియా నిర్మిస్తున్న ఈ షో అమెజాన్ ఎంఎక్స్ ప్లేయర్‌లో ప్రసారం అవుతోంది.
