బుల్లెట్ల నుంచి బాంబుల వరకు.. మోదీ కాన్వాయ్లో ఉన్న ఈ కార్లు ఎంత సేఫ్ తెలుసా?
- మోదీ కాన్వాయ్లో అత్యాధునిక ఆర్మర్డ్ కార్లు
- మేబ్యాక్ S650 గార్డ్ విలువ రూ.12 కోట్లకు పైమాటే
- రేంజ్ రోవర్ సెంటినెల్కు వీఆర్8 రక్షణ
- ల్యాండ్ క్రూయిజర్కు బాలిస్టిక్ కవచం
- బీఎండబ్ల్యూ 760ఎల్ఐలో ప్రత్యేక భద్రతా వ్యవస్థలు
- ఫార్చ్యూనర్ను ఎస్కార్ట్గా వాడుతున్న ఎస్పీజీ
ప్రధాని నరేంద్ర మోదీ ఎక్కడికి వెళ్లినా.. ఆయన వెంట కనిపించే కాన్వాయ్ అందరి దృష్టినీ ఆకర్షిస్తుంది. వరుసగా దూసుకెళ్లే నల్లటి కార్లు, చుట్టూ భద్రతా సిబ్బంది.. ఇదంతా సాధారణ వాహన శ్రేణి కాదు. ప్రధాని భద్రతను దృష్టిలో పెట్టుకుని ప్రత్యేకంగా సిద్ధం చేసిన అత్యంత రక్షణాత్మక వాహనాల సమాహారం. మోదీ 76వ పుట్టినరోజు సందర్భంగా ఆయన కాన్వాయ్లో కనిపించే ప్రత్యేక కార్లు, వాటి భద్రతా సామర్థ్యాలపై ఓసారి చూద్దాం..
రూ.12 కోట్ల మేబ్యాక్.. కదిలే కోటలా!
మోదీ కాన్వాయ్లో అత్యంత ఖరీదైన కార్లలో మెర్సిడెస్-మేబ్యాక్ ఎస్650 గార్డ్ ఒకటి. దీని విలువ రూ.12 కోట్లకు పైగా ఉంటుందని అంచనా. వీఆర్10 స్థాయి బాలిస్టిక్ రక్షణతో రూపొందిన ఈ కారు అధిక శక్తి గల తుపాకీ కాల్పులను తట్టుకోగలదు. పేలుళ్లను ఎదుర్కొనే కవచం, రన్-ఫ్లాట్ టైర్లు, సీల్డ్ క్యాబిన్ ఇందులో ఉన్నాయి. అత్యవసర పరిస్థితుల్లో బయట గాలి అందకపోయినా ప్రత్యేక ఆక్సిజన్ సరఫరా వ్యవస్థతో ప్రయాణం కొనసాగించవచ్చు.
రేంజ్ రోవర్.. బుల్లెట్లకు బలమైన కవచం
మోదీ కాన్వాయ్లో మరో ముఖ్యమైన వాహనం రేంజ్ రోవర్ సెంటినెల్. వీఆర్8 స్థాయి రక్షణతో ఉండే ఈ ఆర్మర్డ్ ఎస్యూవీ 7.62 ఎంఎం ఆర్మర్-పియర్సింగ్ బుల్లెట్లను తట్టుకునేలా రూపొందించారు. భారీ పేలుళ్లను, పై నుంచి లేదా కింది నుంచి వచ్చే గ్రెనేడ్ దాడులను ఎదుర్కొనేలా దీనిలో రక్షణ వ్యవస్థలు ఉన్నాయి. అగ్నిప్రమాదాలను అదుపు చేసే వ్యవస్థ, స్వతంత్ర ఆక్సిజన్ సరఫరా, పబ్లిక్ అడ్రస్ సిస్టమ్ కూడా ఉన్నాయి.
ల్యాండ్ క్రూజర్.. రహదారి ఏదైనా సరే
ఆర్మర్డ్ టయోటా ల్యాండ్ క్రూజర్ కూడా ప్రధాని భద్రతా కాన్వాయ్లో కీలక పాత్ర పోషిస్తుంది. 4.5 లీటర్ వీ8 డీజిల్ ఇంజిన్తో పనిచేసే ఈ ఎస్యూవీకి 4x4 సామర్థ్యం ఉంది. బాలిస్టిక్ కవచంతో పాటు పేలుళ్ల నుంచి రక్షణ కల్పించే నిర్మాణం ఇందులో ఉంటుంది. క్యాబిన్ను పూర్తిగా మూసివేసేలా ఉండటంతో రసాయన ముప్పు నుంచి కూడా ప్రయాణికులకు రక్షణ కల్పించేలా దీనిని రూపొందించారు. ఎర్రకోటలో స్వాతంత్ర్య దినోత్సవ కార్యక్రమానికి వెళ్లిన సమయంలో మోదీ ఈ వాహనంలో కనిపించారు.
బీఎండబ్ల్యూ.. వేగంతో పాటు రక్షణ
బీఎండబ్ల్యూ 760ఎల్ఐ హై సెక్యూరిటీ కూడా మోదీ భద్రతా వాహనాల్లో ఒకటి. ఆర్మర్డ్ బాడీ, బుల్లెట్ నిరోధక అద్దాలు, రన్-ఫ్లాట్ టైర్లు, సెల్ఫ్-సీలింగ్ ఫ్యూయల్ ట్యాంక్ దీని ప్రత్యేకతలు. గ్యాస్ దాడుల వంటి అత్యవసర పరిస్థితుల్లో రక్షణ కల్పించేందుకు ఆక్సిజన్ సరఫరా వ్యవస్థను కూడా ఇందులో ఏర్పాటు చేశారు. 6.0 లీటర్ వీ12 ఇంజిన్ 544 హెచ్పీ శక్తిని ఉత్పత్తి చేస్తుంది.
ఎస్పీజీకి ఫార్చ్యూనర్.. ఎస్కార్ట్గా
టయోటా ఫార్చ్యూనర్ ఆర్మర్డ్ వెర్షన్ను ప్రధాని భద్రతలో ఎస్పీజీ విస్తృతంగా ఉపయోగిస్తుంది. ప్రధాని కాన్వాయ్లో ఎస్కార్ట్, వ్యూహాత్మక సహాయక వాహనంగా ఇది ఉంటుంది. బుల్లెట్ నిరోధక రక్షణతో రూపొందించిన ఈ ఎస్యూవీ విదేశీ నేతలతో ప్రధాని భేటీల సమయంలోనూ కనిపించింది.
ఒక్కో వాహనం.. ఓ ప్రత్యేక రక్షణ కవచం
మోదీ కాన్వాయ్లోని ఈ వాహనాలన్నింటి లక్ష్యం ఒక్కటే.. ప్రధాని ప్రయాణాన్ని సురక్షితంగా కొనసాగించడం. బుల్లెట్ల నుంచి పేలుళ్ల వరకు వివిధ రకాల ముప్పులను ఎదుర్కొనేలా వీటిని ప్రత్యేకంగా సిద్ధం చేశారు. అందుకే ప్రధాని కాన్వాయ్ కేవలం కార్ల వరుస కాదు.. అత్యాధునిక భద్రతా వ్యవస్థలతో కదిలే రక్షణ వలయం.
రూ.12 కోట్ల మేబ్యాక్.. కదిలే కోటలా!
మోదీ కాన్వాయ్లో అత్యంత ఖరీదైన కార్లలో మెర్సిడెస్-మేబ్యాక్ ఎస్650 గార్డ్ ఒకటి. దీని విలువ రూ.12 కోట్లకు పైగా ఉంటుందని అంచనా. వీఆర్10 స్థాయి బాలిస్టిక్ రక్షణతో రూపొందిన ఈ కారు అధిక శక్తి గల తుపాకీ కాల్పులను తట్టుకోగలదు. పేలుళ్లను ఎదుర్కొనే కవచం, రన్-ఫ్లాట్ టైర్లు, సీల్డ్ క్యాబిన్ ఇందులో ఉన్నాయి. అత్యవసర పరిస్థితుల్లో బయట గాలి అందకపోయినా ప్రత్యేక ఆక్సిజన్ సరఫరా వ్యవస్థతో ప్రయాణం కొనసాగించవచ్చు.
రేంజ్ రోవర్.. బుల్లెట్లకు బలమైన కవచం
మోదీ కాన్వాయ్లో మరో ముఖ్యమైన వాహనం రేంజ్ రోవర్ సెంటినెల్. వీఆర్8 స్థాయి రక్షణతో ఉండే ఈ ఆర్మర్డ్ ఎస్యూవీ 7.62 ఎంఎం ఆర్మర్-పియర్సింగ్ బుల్లెట్లను తట్టుకునేలా రూపొందించారు. భారీ పేలుళ్లను, పై నుంచి లేదా కింది నుంచి వచ్చే గ్రెనేడ్ దాడులను ఎదుర్కొనేలా దీనిలో రక్షణ వ్యవస్థలు ఉన్నాయి. అగ్నిప్రమాదాలను అదుపు చేసే వ్యవస్థ, స్వతంత్ర ఆక్సిజన్ సరఫరా, పబ్లిక్ అడ్రస్ సిస్టమ్ కూడా ఉన్నాయి.
ల్యాండ్ క్రూజర్.. రహదారి ఏదైనా సరే
ఆర్మర్డ్ టయోటా ల్యాండ్ క్రూజర్ కూడా ప్రధాని భద్రతా కాన్వాయ్లో కీలక పాత్ర పోషిస్తుంది. 4.5 లీటర్ వీ8 డీజిల్ ఇంజిన్తో పనిచేసే ఈ ఎస్యూవీకి 4x4 సామర్థ్యం ఉంది. బాలిస్టిక్ కవచంతో పాటు పేలుళ్ల నుంచి రక్షణ కల్పించే నిర్మాణం ఇందులో ఉంటుంది. క్యాబిన్ను పూర్తిగా మూసివేసేలా ఉండటంతో రసాయన ముప్పు నుంచి కూడా ప్రయాణికులకు రక్షణ కల్పించేలా దీనిని రూపొందించారు. ఎర్రకోటలో స్వాతంత్ర్య దినోత్సవ కార్యక్రమానికి వెళ్లిన సమయంలో మోదీ ఈ వాహనంలో కనిపించారు.
బీఎండబ్ల్యూ.. వేగంతో పాటు రక్షణ
బీఎండబ్ల్యూ 760ఎల్ఐ హై సెక్యూరిటీ కూడా మోదీ భద్రతా వాహనాల్లో ఒకటి. ఆర్మర్డ్ బాడీ, బుల్లెట్ నిరోధక అద్దాలు, రన్-ఫ్లాట్ టైర్లు, సెల్ఫ్-సీలింగ్ ఫ్యూయల్ ట్యాంక్ దీని ప్రత్యేకతలు. గ్యాస్ దాడుల వంటి అత్యవసర పరిస్థితుల్లో రక్షణ కల్పించేందుకు ఆక్సిజన్ సరఫరా వ్యవస్థను కూడా ఇందులో ఏర్పాటు చేశారు. 6.0 లీటర్ వీ12 ఇంజిన్ 544 హెచ్పీ శక్తిని ఉత్పత్తి చేస్తుంది.
ఎస్పీజీకి ఫార్చ్యూనర్.. ఎస్కార్ట్గా
టయోటా ఫార్చ్యూనర్ ఆర్మర్డ్ వెర్షన్ను ప్రధాని భద్రతలో ఎస్పీజీ విస్తృతంగా ఉపయోగిస్తుంది. ప్రధాని కాన్వాయ్లో ఎస్కార్ట్, వ్యూహాత్మక సహాయక వాహనంగా ఇది ఉంటుంది. బుల్లెట్ నిరోధక రక్షణతో రూపొందించిన ఈ ఎస్యూవీ విదేశీ నేతలతో ప్రధాని భేటీల సమయంలోనూ కనిపించింది.
ఒక్కో వాహనం.. ఓ ప్రత్యేక రక్షణ కవచం
మోదీ కాన్వాయ్లోని ఈ వాహనాలన్నింటి లక్ష్యం ఒక్కటే.. ప్రధాని ప్రయాణాన్ని సురక్షితంగా కొనసాగించడం. బుల్లెట్ల నుంచి పేలుళ్ల వరకు వివిధ రకాల ముప్పులను ఎదుర్కొనేలా వీటిని ప్రత్యేకంగా సిద్ధం చేశారు. అందుకే ప్రధాని కాన్వాయ్ కేవలం కార్ల వరుస కాదు.. అత్యాధునిక భద్రతా వ్యవస్థలతో కదిలే రక్షణ వలయం.
