స్పెయిన్ టొమాటో ఫెస్టివల్కు అంత సీన్ లేదు.. బాలీవుడ్ సినిమాకు, రియాలిటీకి తేడా ఇదే!
- స్పెయిన్ టొమాటో ఫెస్టివల్పై భారతీయ యువతి వీడియో వైరల్
- జిందగీ నా మిలేగీ దుబారా సినిమాలో చూపినంత గ్లామర్గా ఉండదంటూ హెచ్చరిక
- కుళ్లిన టొమాటోలు, రద్దీ, తోపులాటలతో ఇబ్బందులు పడ్డానని వెల్లడి
- సినిమా చూసి వెళ్లేవారు అంచనాలు తగ్గించుకోవాలని సూచన
బాలీవుడ్ బ్లాక్బస్టర్ సినిమా 'జిందగీ నా మిలేగీ దుబారా' చూసి, స్పెయిన్లో నిర్వహించే 'లా టొమాటినా' ఫెస్టివల్కు వెళ్లాలని యోచిస్తున్నారా? అయితే ఓ భారతీయ కంటెంట్ క్రియేటర్ వెల్లడించిన వాస్తవాలను తెలుసుకోవాల్సిందే. వెండితెరపై కనిపించేంత ఆకర్షణీయంగా, ఆహ్లాదకరంగా అక్కడ పరిస్థితులు ఉండవని, వాస్తవంగా చూస్తే చాలా భిన్నంగా ఉంటాయని ఆమె స్పష్టం చేస్తున్నారు.
గతేడాది స్పెయిన్లోని బునోల్లో జరిగిన ఈ ఫెస్టివల్లో పాల్గొన్న అనాలీ గుప్తా, తన అనుభవాలను వివరిస్తూ ఇన్స్టాగ్రామ్లో ఓ వీడియోను పోస్ట్ చేశారు. ఈ ఫెస్టివల్లో ఉపయోగించే టమోటాలు బాగా పండినవి లేదా కుళ్లిపోయినవి కావడంతో తీవ్రమైన దుర్వాసన వస్తుందని, దానివల్ల తనకు వికారంగా అనిపించిందని ఆమె తెలిపారు. జనం విసిరే టమోటాలు బలంగా తగలడం వల్ల నొప్పిగా ఉంటుందని, ముఖ్యంగా వీడియోలు తీయడానికి ప్రయత్నించే వారిని జనం గుంపులుగా లక్ష్యంగా చేసుకుని ఇబ్బంది పెడతారని అనాలీ వివరించారు.
భారీ జనసమూహం, తోపులాటల మధ్య ఒక మహిళగా తాను ఎన్నో ఇబ్బందులు ఎదుర్కొన్నానని, రక్షణ కోసం ఇతరులపై ఆధారపడాల్సి వచ్చిందని ఆమె పేర్కొన్నారు. కేవలం సినిమా దృశ్యాలను చూసి అంచనాలకు రావొద్దని, ఈ ఫెస్టివల్కు వెళ్లాలనుకునే వారు వాస్తవిక పరిస్థితులను అర్థం చేసుకుని మానసికంగాసిద్ధపడాలనిసూచించారు. అయితే, ఈ వీడియోపై సామాజిక మాధ్యమాల్లో భిన్నాభిప్రాయాలు వ్యక్తమవుతున్నాయి. కొందరు అనాలీ అభిప్రాయంతో ఏకీభవిస్తుండగా, మరికొందరు తమకు మాత్రం సినిమాలో చూపినట్లే అద్భుతమైన అనుభవం ఎదురైందని వ్యాఖ్యానిస్తున్నారు.
గతేడాది స్పెయిన్లోని బునోల్లో జరిగిన ఈ ఫెస్టివల్లో పాల్గొన్న అనాలీ గుప్తా, తన అనుభవాలను వివరిస్తూ ఇన్స్టాగ్రామ్లో ఓ వీడియోను పోస్ట్ చేశారు. ఈ ఫెస్టివల్లో ఉపయోగించే టమోటాలు బాగా పండినవి లేదా కుళ్లిపోయినవి కావడంతో తీవ్రమైన దుర్వాసన వస్తుందని, దానివల్ల తనకు వికారంగా అనిపించిందని ఆమె తెలిపారు. జనం విసిరే టమోటాలు బలంగా తగలడం వల్ల నొప్పిగా ఉంటుందని, ముఖ్యంగా వీడియోలు తీయడానికి ప్రయత్నించే వారిని జనం గుంపులుగా లక్ష్యంగా చేసుకుని ఇబ్బంది పెడతారని అనాలీ వివరించారు.
భారీ జనసమూహం, తోపులాటల మధ్య ఒక మహిళగా తాను ఎన్నో ఇబ్బందులు ఎదుర్కొన్నానని, రక్షణ కోసం ఇతరులపై ఆధారపడాల్సి వచ్చిందని ఆమె పేర్కొన్నారు. కేవలం సినిమా దృశ్యాలను చూసి అంచనాలకు రావొద్దని, ఈ ఫెస్టివల్కు వెళ్లాలనుకునే వారు వాస్తవిక పరిస్థితులను అర్థం చేసుకుని మానసికంగాసిద్ధపడాలనిసూచించారు. అయితే, ఈ వీడియోపై సామాజిక మాధ్యమాల్లో భిన్నాభిప్రాయాలు వ్యక్తమవుతున్నాయి. కొందరు అనాలీ అభిప్రాయంతో ఏకీభవిస్తుండగా, మరికొందరు తమకు మాత్రం సినిమాలో చూపినట్లే అద్భుతమైన అనుభవం ఎదురైందని వ్యాఖ్యానిస్తున్నారు.
