హైదరాబాద్‌లో టెక్కీ ఆత్మహత్య

హైదరాబాద్‌లోని బండ్లగూడ జాగీర్ పరిధిలో విషాదకర ఘటన చోటుచేసుకుంది. సుధాకర్ అనే సాఫ్ట్‌వేర్ ఉద్యోగి తన నివాసంలో ఆత్మహత్యకు పాల్పడ్డాడు. మద్యంలో విషం కలుపుకుని అతడు ప్రాణాలు తీసుకుని ఉండవచ్చని పోలీసులు ప్రాథమికంగా అనుమానిస్తున్నారు.

సుధాకర్ తన నివాసంలోని బెడ్‌రూమ్‌లో అపస్మారక స్థితిలో పడి ఉండటాన్ని కుటుంబ సభ్యులు గమనించారు. వెంటనే వారు రాజేంద్రనగర్ పోలీసులకు సమాచారం అందించారు. ఘటనా స్థలానికి చేరుకున్న పోలీసులు ప్రాథమిక విచారణ చేపట్టారు. అనంతరం మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఆత్మహత్యకు దారితీసిన పరిస్థితులపై ఇంకా స్పష్టత రావాల్సి ఉంది. ఈ ఘటనపై పోలీసులు కేసు నమోదు చేసి, అన్ని కోణాల్లో దర్యాప్తు జరుపుతున్నారు.