భారత్ లో రియల్ ఎస్టేట్ కింగ్స్ వీళ్లే... ఫోర్బ్స్ లిస్టులో మై హోమ్ రామేశ్వర్ రావు

ప్రతిష్టాత్మక ఫోర్బ్స్ 2026 ప్రపంచ బిలియనీర్ల జాబితాలో భారత రియల్ ఎస్టేట్ రంగం తన సత్తా చాటింది. ఈ జాబితాలో 13 మంది భారత రియల్టీ దిగ్గజాలు స్థానం సంపాదించగా, వారిలో హైదరాబాద్‌కు చెందిన మై హోమ్ గ్రూప్ అధినేత జుపల్లి రామేశ్వర్ రావు మరోసారి తన స్థానాన్ని పదిలం చేసుకున్నారు. గత ఏడాదితో పోలిస్తే రియల్టీ బిలియనీర్ల సంఖ్యలో మార్పులేదు.

ఫోర్బ్స్ నివేదిక ప్రకారం, రామేశ్వర్ రావు ఆస్తి విలువ సుమారు $2.3 బిలియన్లుగా (సుమారు ₹22,011 కోట్లు ) ఉంది. గతేడాది ($2.4 బిలియన్)తో పోలిస్తే ఆయన సంపద స్వల్పంగా తగ్గినా, భారత రియల్టీ బిలియనీర్ల జాబితాలో ఆయన 6వ స్థానంలో నిలిచారు. కాగా, ఫోర్బ్స్ అధికారిక ప్రొఫైల్‌లో ఆయన నికర ఆస్తి విలువ $2.2 బిలియన్లుగా నమోదైంది.

1981లో 'మై హోమ్ కన్‌స్ట్రక్షన్స్' సంస్థను స్థాపించిన రామేశ్వర్ రావు, హైదరాబాద్ కేంద్రంగా రెసిడెన్షియల్, కమర్షియల్ ప్రాజెక్టులతో అనతికాలంలోనే గుర్తింపు పొందారు. ఆ తర్వాత సిమెంట్ (మహా సిమెంట్), మీడియా (టీవీ9లో వాటా) వంటి రంగాల్లోనూ వ్యాపారాన్ని విస్తరించి, సెల్ఫ్-మేడ్ బిలియనీర్‌గా ఎదిగారు.

ఈ ఏడాది ఫోర్బ్స్ జాబితాలో రికార్డు స్థాయిలో  భారతీయులు చోటు దక్కించుకోవడం విశేషం. సకాలంలో సరైన నిర్ణయాలు తీసుకోవడం వల్లే భారత రియల్టీ వ్యాపారులు తమ సంపదను కాపాడుకోగలిగారని ఫోర్బ్స్ ఇండియా విశ్లేషించింది.

భారతదేశపు రియల్ ఎస్టేట్ బిలియనీర్లు

పేరు (Name)	సంస్థ / హోదా (Company / Designation)	గ్లోబల్ ర్యాంక్ (Global Rank)	2025 నికర విలువ (బిలియన్ డాలర్లలో)	2026 నికర విలువ (బిలియన్ డాలర్లలో)	2026 నికర విలువ (భారతీయ రూపాయలు - ₹ కోట్లలో)*
కుశాల్ పాల్ సింగ్	మాజీ ఛైర్మన్ మరియు CEO, DLF	237	$14.5	$12.7	₹1,21,539 కోట్లు
మంగళ్ ప్రభాత్ లోధా	వ్యవస్థాపకుడు, లోధా గ్రూప్	684	$9.5	$6.1	₹58,377 కోట్లు
చంద్రు రహేజా	ఛైర్మన్, K రహేజా కార్ప్	806	$4.9	$5.3	₹50,721 కోట్లు
వికాస్ ఒబెరాయ్	ఛైర్మన్ & MD, ఒబెరాయ్ రియల్టీ	908	$4.7	$4.7	₹44,979 కోట్లు
అతుల్ రుయా	ఛైర్మన్, ఫోనిక్స్ మిల్స్	1,611	$2.6	$2.6	₹24,882 కోట్లు
జె. రామేశ్వర్ రావు	వ్యవస్థాపకుడు & ఛైర్మన్, మై హోమ్ గ్రూప్	1,834	$2.4	$2.3	₹22,011 కోట్లు
జితేంద్ర విర్వాణి	ఛైర్మన్ & MD, ఎంబసీ గ్రూప్	1,913	$2.7	$2.2	₹21,054 కోట్లు
కబీర్ ముల్చందానీ	ఛైర్మన్ & చీఫ్ ఎగ్జిక్యూటివ్, ఫైవ్ హోల్డింగ్స్	1,913	$2.2	$2.2	₹21,054 కోట్లు
మొఫత్‌రాజ్ మునోత్	వ్యవస్థాపకుడు, కల్పతరు	2,600	$1.3	$1.5	₹14,355 కోట్లు
రెజ్వాన్, ఇర్ఫాన్ మరియు నోమన్ రజాక్	ప్రెస్టీజ్ ఎస్టేట్స్	2,712	$1.2	$1.4	₹13,398 కోట్లు