తిలక్ వర్మ, శ్రీలీల రిలేషన్ లో ఉన్నారా? ఇదిగో క్లారిటీ!

టాలీవుడ్ నటి శ్రీలీల, యువ క్రికెటర్ తిలక్ వర్మ మధ్య ప్రేమాయణం నడుస్తోందంటూ గత కొద్ది రోజులుగా సోషల్ మీడియాలో జరుగుతున్న ప్రచారంలో ఎలాంటి నిజం లేదని తేలిపోయింది. ఈ ఊహాగానాలను వారి సన్నిహిత వర్గాలు పూర్తిగా ఖండించాయి. ఇది కేవలం నిరాధారమైన ప్రచారమని స్పష్టం చేశాయి.

ఈ పుకార్లపై ఓ సన్నిహిత వర్గం స్పందిస్తూ.. “శ్రీలీల, తిలక్ వర్మ మధ్య సంబంధం ఉందన్న వార్తలు పూర్తిగా నిరాధారమైనవి, అసత్యం. వాళ్లిద్దరూ ఇప్పటివరకు కనీసం ఒకరినొకరు కలుసుకోలేదు, మాట్లాడుకోలేదు కూడా” అని స్పష్టం చేసింది. ఎలాంటి ఆధారాలు లేకుండా ఇలాంటి కల్పిత కథలను ప్రచారం చేయడం సరికాదని హితవు పలికింది.

అసలు ఈ ప్రచారం ఎలా మొదలైందంటే.. వేర్వేరు సందర్భాల్లో ఆలయాలు, ఇతర కార్యక్రమాల్లో వారిద్దరూ కనిపించడంతో, వాటిని ముడిపెడుతూ కొన్ని ఫ్యాన్ పేజీలు, గాసిప్ అకౌంట్లు ఈ పుకార్లను సృష్టించాయి. అయితే ఈ ఘటనలకు, వారి మధ్య వ్యక్తిగత సంబంధానికి ఎటువంటి సంబంధం లేదని తేలింది.

ఇక శ్రీలీల విషయానికొస్తే, సౌత్, నార్త్ చిత్రాలతో దూసుకెళుతున్నారు. మరోవైపు, హైదరాబాదీ క్రికెటర్ తిలక్ వర్మ ముంబై ఇండియన్స్ తరఫున ఐపీఎల్‌లోకి అడుగుపెట్టి తన ఆటతీరుతో అందరిని ఆకట్టుకుంటున్నాడు. మొత్తమ్మీద, ఇద్దరి మధ్య రిలేషన్ ఉందన్న వార్త కేవలం సోషల్ మీడియా సృష్టించిన ఓ గాలివార్త మాత్రమేనని స్పష్టమైంది.