భోగాపురం విమానాశ్రయానికి ఆర్టీసీ ఏసీ బస్సులు.. ఈ మూడు నగరాల నుంచి సర్వీసులు
విజయనగరం జిల్లాలోని భోగాపురం అంతర్జాతీయ విమానాశ్రయం ప్రారంభానికి వేగంగా అడుగులు పడుతున్నాయి. ఇప్పటికే 98 శాతం పనులు పూర్తి కాగా, జూన్ నెలాఖరు నాటికి మిగిలిన పనులు పూర్తి చేసి జులై లేదా ఆగస్టు నెలలో దీనిని అందుబాటులోకి తీసుకురావాలని ప్రభుత్వం లక్ష్యంగా పెట్టుకుంది. ఈ ప్రతిష్ఠాత్మక విమానాశ్రయ ప్రారంభోత్సవానికి ప్రధాని నరేంద్ర మోదీని ఆహ్వానించాలని భావిస్తున్నారు.
ఈ నేపథ్యంలో ప్రయాణికులకు మెరుగైన రవాణా సౌకర్యాలు కల్పించడంపై అధికారులు దృష్టి సారించారు. ముఖ్యంగా ఆంధ్రప్రదేశ్ రోడ్డు రవాణా సంస్థ (ఏపీఎస్ఆర్టీసీ) పక్కా ప్రణాళికతో ముందుకెళ్తోంది. విమానాశ్రయానికి చేరుకునే ప్రయాణికుల సౌకర్యార్థం విశాఖపట్నం, విజయనగరం, శ్రీకాకుళం జిల్లాల నుంచి ఏసీ ఎలక్ట్రిక్ బస్సులను నడపాలని నిర్ణయించింది. ప్రయాణికుల రద్దీని అంచనా వేసేందుకు ఆర్టీసీ రీజినల్, జోనల్ మేనేజర్లు ఇప్పటికే క్షేత్రస్థాయిలో సర్వే నిర్వహిస్తున్నారు. తొలి దశలో 20 నుంచి 30 బస్సులను నడిపి, ఆదరణను బట్టి వాటి సంఖ్యను పెంచాలని భావిస్తున్నారు. విశాఖ నుంచి 20 బస్సులను నడపాలని ఎయిర్లైన్స్ సంస్థల నుంచి కూడా ప్రతిపాదనలు వచ్చినట్లు తెలుస్తోంది.
మరోవైపు విమానాశ్రయానికి మెట్రో రైలు సేవలను అనుసంధానం చేయాలనే డిమాండ్ కూడా తెరపైకి వచ్చింది. భీమిలి ఎమ్మెల్యే గంటా శ్రీనివాసరావు ఈ మేరకు మెట్రో రైల్ ఎండీ రామకృష్ణారెడ్డిని కలిసి వినతిపత్రం అందజేశారు. ప్రస్తుతం కొమ్మాది వరకు ప్రతిపాదించిన మెట్రోను భోగాపురం వరకు పొడిగిస్తే ప్రయాణికులకు ఎంతో సౌకర్యంగా ఉంటుందని ఆయన అభిప్రాయపడ్డారు. రుషికొండలో ఐటీ సంస్థలు అభివృద్ధి చెందుతున్నందున, అటువైపు కూడా మెట్రోను విస్తరించాలని కోరారు.
విమానాశ్రయ ప్రారంభోత్సవానికి ప్రధాని మోదీని ఆహ్వానించేందుకు జులై 5, 8 లేదా ఆగస్టు 17, 19 తేదీల్లో ఆయన సమయం కోరినట్టు తెలుస్తోంది. త్వరలోనే దీనిపై స్పష్టత రానుంది. మొత్తంగా భోగాపురం ఎయిర్పోర్ట్ ప్రారంభానికి ముందే రవాణా సౌకర్యాలను సిద్ధం చేసేందుకు అన్ని శాఖలు సమాయత్తమవుతున్నాయి.
ఈ నేపథ్యంలో ప్రయాణికులకు మెరుగైన రవాణా సౌకర్యాలు కల్పించడంపై అధికారులు దృష్టి సారించారు. ముఖ్యంగా ఆంధ్రప్రదేశ్ రోడ్డు రవాణా సంస్థ (ఏపీఎస్ఆర్టీసీ) పక్కా ప్రణాళికతో ముందుకెళ్తోంది. విమానాశ్రయానికి చేరుకునే ప్రయాణికుల సౌకర్యార్థం విశాఖపట్నం, విజయనగరం, శ్రీకాకుళం జిల్లాల నుంచి ఏసీ ఎలక్ట్రిక్ బస్సులను నడపాలని నిర్ణయించింది. ప్రయాణికుల రద్దీని అంచనా వేసేందుకు ఆర్టీసీ రీజినల్, జోనల్ మేనేజర్లు ఇప్పటికే క్షేత్రస్థాయిలో సర్వే నిర్వహిస్తున్నారు. తొలి దశలో 20 నుంచి 30 బస్సులను నడిపి, ఆదరణను బట్టి వాటి సంఖ్యను పెంచాలని భావిస్తున్నారు. విశాఖ నుంచి 20 బస్సులను నడపాలని ఎయిర్లైన్స్ సంస్థల నుంచి కూడా ప్రతిపాదనలు వచ్చినట్లు తెలుస్తోంది.
మరోవైపు విమానాశ్రయానికి మెట్రో రైలు సేవలను అనుసంధానం చేయాలనే డిమాండ్ కూడా తెరపైకి వచ్చింది. భీమిలి ఎమ్మెల్యే గంటా శ్రీనివాసరావు ఈ మేరకు మెట్రో రైల్ ఎండీ రామకృష్ణారెడ్డిని కలిసి వినతిపత్రం అందజేశారు. ప్రస్తుతం కొమ్మాది వరకు ప్రతిపాదించిన మెట్రోను భోగాపురం వరకు పొడిగిస్తే ప్రయాణికులకు ఎంతో సౌకర్యంగా ఉంటుందని ఆయన అభిప్రాయపడ్డారు. రుషికొండలో ఐటీ సంస్థలు అభివృద్ధి చెందుతున్నందున, అటువైపు కూడా మెట్రోను విస్తరించాలని కోరారు.
విమానాశ్రయ ప్రారంభోత్సవానికి ప్రధాని మోదీని ఆహ్వానించేందుకు జులై 5, 8 లేదా ఆగస్టు 17, 19 తేదీల్లో ఆయన సమయం కోరినట్టు తెలుస్తోంది. త్వరలోనే దీనిపై స్పష్టత రానుంది. మొత్తంగా భోగాపురం ఎయిర్పోర్ట్ ప్రారంభానికి ముందే రవాణా సౌకర్యాలను సిద్ధం చేసేందుకు అన్ని శాఖలు సమాయత్తమవుతున్నాయి.
