US Airport Chaos: అమెరికా ఎయిర్పోర్టుల్లో గందరగోళం.. సెక్యూరిటీ చెకప్కే 4 గంటలు!
అమెరికాలోని ప్రధాన విమానాశ్రయాలు ప్రస్తుతం ప్రయాణికులకు నరకాన్ని చూపిస్తున్నాయి. దేశంలో కొనసాగుతున్న పాక్షిక ప్రభుత్వ షట్డౌన్ కారణంగా భద్రతా వ్యవస్థ అస్తవ్యస్తంగా మారింది. దీంతో సెక్యూరిటీ చెకప్ల కోసం ప్రయాణికులు గంటల తరబడి క్యూలైన్లలో నిలబడాల్సి వస్తోంది. ఈ జాప్యం వల్ల చాలా మంది తమ విమానాలను కూడా కోల్పోతున్నారు.
ఫిబ్రవరి మధ్య నుంచి కొనసాగుతున్న షట్డౌన్ ప్రభావం ఇప్పుడు విమానాశ్రయాలపై తీవ్రంగా పడింది. ట్రాన్స్పోర్టేషన్ సెక్యూరిటీ అడ్మినిస్ట్రేషన్ (టీఎస్ఏ) సిబ్బందికి జీతాలు అందకపోవడంతో చాలామంది అనధికారికంగా విధులకు గైర్హాజరవుతున్నారు. ఫలితంగా, ప్రధాన ఎయిర్పోర్టుల్లో భద్రతా తనిఖీల కోసం ప్రయాణికులు సుమారు 3 నుంచి 4 గంటల పాటు వేచి చూడాల్సిన దయనీయ పరిస్థితి నెలకొంది. సిబ్బంది కొరత వల్ల కౌంటర్లు కిక్కిరిసిపోతున్నాయి.
పరిస్థితిని అదుపులోకి తెచ్చేందుకు ఇమిగ్రేషన్, హోంలాండ్ సెక్యూరిటీ అధికారులను కూడా ప్రభుత్వం రంగంలోకి దించింది. అయినప్పటికీ ప్రయాణికుల రద్దీని నియంత్రించడం కష్టంగా మారింది. దీంతో అధ్యక్షుడు ట్రంప్ కీలక నిర్ణయం తీసుకున్నారు. విమానాశ్రయాల్లో భద్రతను పర్యవేక్షించేందుకు నేషనల్ గార్డ్ దళాలను మోహరించాలని ఆదేశించారు. అయితే, సిబ్బంది కొరత ఇలాగే కొనసాగితే రాబోయే రోజుల్లో దేశవ్యాప్తంగా విమాన రాకపోకలు పూర్తిగా స్తంభించిపోయే ప్రమాదం ఉందని అధికారులు తీవ్ర ఆందోళన వ్యక్తం చేస్తున్నారు.
ఫిబ్రవరి మధ్య నుంచి కొనసాగుతున్న షట్డౌన్ ప్రభావం ఇప్పుడు విమానాశ్రయాలపై తీవ్రంగా పడింది. ట్రాన్స్పోర్టేషన్ సెక్యూరిటీ అడ్మినిస్ట్రేషన్ (టీఎస్ఏ) సిబ్బందికి జీతాలు అందకపోవడంతో చాలామంది అనధికారికంగా విధులకు గైర్హాజరవుతున్నారు. ఫలితంగా, ప్రధాన ఎయిర్పోర్టుల్లో భద్రతా తనిఖీల కోసం ప్రయాణికులు సుమారు 3 నుంచి 4 గంటల పాటు వేచి చూడాల్సిన దయనీయ పరిస్థితి నెలకొంది. సిబ్బంది కొరత వల్ల కౌంటర్లు కిక్కిరిసిపోతున్నాయి.
పరిస్థితిని అదుపులోకి తెచ్చేందుకు ఇమిగ్రేషన్, హోంలాండ్ సెక్యూరిటీ అధికారులను కూడా ప్రభుత్వం రంగంలోకి దించింది. అయినప్పటికీ ప్రయాణికుల రద్దీని నియంత్రించడం కష్టంగా మారింది. దీంతో అధ్యక్షుడు ట్రంప్ కీలక నిర్ణయం తీసుకున్నారు. విమానాశ్రయాల్లో భద్రతను పర్యవేక్షించేందుకు నేషనల్ గార్డ్ దళాలను మోహరించాలని ఆదేశించారు. అయితే, సిబ్బంది కొరత ఇలాగే కొనసాగితే రాబోయే రోజుల్లో దేశవ్యాప్తంగా విమాన రాకపోకలు పూర్తిగా స్తంభించిపోయే ప్రమాదం ఉందని అధికారులు తీవ్ర ఆందోళన వ్యక్తం చేస్తున్నారు.
