'మన శంకర వరప్రసాద్ గారు'లోని ఈ పాట పాడింది ఎవరో తెలుసా...?

మెగాస్టార్ చిరంజీవి కథానాయకుడిగా అనిల్ రావిపూడి దర్శకత్వంలో రూపొందిన చిత్రం ‘మన శంకరవరప్రసాద్‌గారు’ జనవరి 12న విడుదలైంది. విడుదలైన రోజు నుంచే ఈ చిత్రం బాక్సాఫీస్ వద్ద విజయవంతంగా దూసుకుపోతూ రూ.300 కోట్లకు పైగా వసూళ్లు రాబట్టింది.

ఈ చిత్రంలోని "ఫ్లై.. హై" అంటూ సాగే పాటకు అభిమానుల నుంచి విశేష ఆదరణ లభిస్తోంది. ఈ పాటకు సంబంధించిన ఒక ఆసక్తికరమైన విషయం తాజాగా వెలుగులోకి వచ్చింది. ఈ పాటను మెగాస్టార్ చిరంజీవి మేనకోడలు నైరా ఆలపించినట్లు దర్శకుడు అనిల్ రావిపూడి వెల్లడించారు.

ఈ విషయాన్ని సోషల్ మీడియా ద్వారా తెలియజేస్తూ ఆయన ఒక పోస్ట్ చేశారు. నైరా చిరంజీవి సోదరి మాధవి కుమార్తె అని ఆయన పేర్కొన్నారు. ఈ వార్త తెలుసుకున్న మెగా అభిమానులు సంతోషం వ్యక్తం చేస్తున్నారు.

ఇదిలా ఉండగా, "ఫ్లై.. హై" పూర్తి వీడియో పాటను బుధవారం ఉదయం 11.07 గంటలకు విడుదల చేయనున్నట్లు చిత్ర బృందం ప్రకటించింది.