Epstein files: ఎట్టకేలకు బయటకొచ్చిన ఎప్స్టీన్ ఫైల్స్.. ప్రముఖుల గుట్టురట్టు!
అమెరికా రాజకీయాల్లో తీవ్ర ప్రకంపనలు సృష్టిస్తున్న సెక్స్ అఫెండర్ జెఫ్రీ ఎప్స్టీన్ కేసులో దీర్ఘకాలంగా ఎదురుచూస్తున్న కీలక పత్రాలను అమెరికా న్యాయశాఖ శుక్రవారం విడుదల చేయడం ప్రారంభించింది. ఈ ఫైల్స్లో మాజీ అధ్యక్షుడు బిల్ క్లింటన్, అధ్యక్షుడు డొనాల్డ్ ట్రంప్లతో పాటు పలువురు వ్యాపారవేత్తలు, సెలబ్రిటీల పేర్లు ఉండటంతో ఈ వ్యవహారం మరోసారి పెను దుమారం రేపుతోంది.
విడుదల చేసిన తొలివిడత పత్రాల్లో సంచలన విషయాలు వెలుగులోకి వచ్చాయి. మాజీ అధ్యక్షుడు బిల్ క్లింటన్ ఒక హాట్ టబ్లో సేదతీరుతున్న పాత ఫొటోతో పాటు, ఎప్స్టీన్ సహాయకురాలు ఘిస్లైన్ మ్యాక్స్వెల్తో కలిసి స్విమ్మింగ్ చేస్తున్న మరో ఫొటో కూడా ఉంది. అలాగే ట్రంప్ పేరు ఒక కాంటాక్ట్ బుక్లో కనిపించింది. అయితే, విడుదల చేసిన డాక్యుమెంట్లలో చాలా సమాచారాన్ని బాధితుల గోప్యతను కాపాడేందుకు తొలగించారు.
గతంలో ఎప్స్టీన్తో ట్రంప్కు సన్నిహిత సంబంధాలు ఉండేవి. కాంగ్రెస్ నుంచి తీవ్ర ఒత్తిడి రావడంతో గత నెలలో ఈ ఫైల్స్ను విడుదల చేయాలనే చట్టంపై ట్రంప్ సంతకం చేశారు. శుక్రవారమే ఇందుకు చివరి గడువు కావడంతో న్యాయశాఖ పత్రాలను విడుదల చేసింది. రాబోయే వారాల్లో మరిన్ని డాక్యుమెంట్లను విడుదల చేస్తామని, అయితే కొత్తగా ఎలాంటి అభియోగాలు నమోదు చేసే అవకాశం లేదని డిప్యూటీ అటార్నీ జనరల్ టాడ్ బ్లాంచ్ తెలిపారు.
ఈ పరిణామంపై డెమొక్రాట్లు తీవ్రంగా స్పందించారు. "ఇది డొనాల్డ్ ట్రంప్ను అతని చీకటి గతం నుంచి కాపాడేందుకు చేస్తున్న కవర్ అప్ తప్ప మరొకటి కాదు" అని సెనేట్ మైనారిటీ లీడర్ చక్ షుమర్ ఆరోపించారు. కాగా, ఎప్స్టీన్ 2019లో జైలులో ఆత్మహత్య చేసుకోగా, అతనికి సహకరించిన ఘిస్లైన్ మ్యాక్స్వెల్ ప్రస్తుతం 20 ఏళ్ల జైలు శిక్ష అనుభవిస్తోంది. ఈ ఫైల్స్ పూర్తిస్థాయిలో విడుదలయితే మరిన్ని సంచలనాలు బయటపడే అవకాశం ఉంది.
విడుదల చేసిన తొలివిడత పత్రాల్లో సంచలన విషయాలు వెలుగులోకి వచ్చాయి. మాజీ అధ్యక్షుడు బిల్ క్లింటన్ ఒక హాట్ టబ్లో సేదతీరుతున్న పాత ఫొటోతో పాటు, ఎప్స్టీన్ సహాయకురాలు ఘిస్లైన్ మ్యాక్స్వెల్తో కలిసి స్విమ్మింగ్ చేస్తున్న మరో ఫొటో కూడా ఉంది. అలాగే ట్రంప్ పేరు ఒక కాంటాక్ట్ బుక్లో కనిపించింది. అయితే, విడుదల చేసిన డాక్యుమెంట్లలో చాలా సమాచారాన్ని బాధితుల గోప్యతను కాపాడేందుకు తొలగించారు.
గతంలో ఎప్స్టీన్తో ట్రంప్కు సన్నిహిత సంబంధాలు ఉండేవి. కాంగ్రెస్ నుంచి తీవ్ర ఒత్తిడి రావడంతో గత నెలలో ఈ ఫైల్స్ను విడుదల చేయాలనే చట్టంపై ట్రంప్ సంతకం చేశారు. శుక్రవారమే ఇందుకు చివరి గడువు కావడంతో న్యాయశాఖ పత్రాలను విడుదల చేసింది. రాబోయే వారాల్లో మరిన్ని డాక్యుమెంట్లను విడుదల చేస్తామని, అయితే కొత్తగా ఎలాంటి అభియోగాలు నమోదు చేసే అవకాశం లేదని డిప్యూటీ అటార్నీ జనరల్ టాడ్ బ్లాంచ్ తెలిపారు.
ఈ పరిణామంపై డెమొక్రాట్లు తీవ్రంగా స్పందించారు. "ఇది డొనాల్డ్ ట్రంప్ను అతని చీకటి గతం నుంచి కాపాడేందుకు చేస్తున్న కవర్ అప్ తప్ప మరొకటి కాదు" అని సెనేట్ మైనారిటీ లీడర్ చక్ షుమర్ ఆరోపించారు. కాగా, ఎప్స్టీన్ 2019లో జైలులో ఆత్మహత్య చేసుకోగా, అతనికి సహకరించిన ఘిస్లైన్ మ్యాక్స్వెల్ ప్రస్తుతం 20 ఏళ్ల జైలు శిక్ష అనుభవిస్తోంది. ఈ ఫైల్స్ పూర్తిస్థాయిలో విడుదలయితే మరిన్ని సంచలనాలు బయటపడే అవకాశం ఉంది.
