జీఎస్టీ 2.0, తుపాను ఎఫెక్ట్: నవంబర్లో ఏపీ పన్నుల ఆదాయం స్వల్పంగా క్షీణత
- జీఎస్టీ 2.0 సంస్కరణల కారణంగా నవంబర్లో తగ్గిన పన్నుల వసూళ్లు
- రాష్ట్రంలో ‘మోంథా’ తుపాను ప్రభావంతో పెట్రోలియం ఆదాయంపై దెబ్బ
- నవంబర్ వసూళ్లు తగ్గినా, వార్షిక జీఎస్టీ వసూళ్లలో 5.80 శాతం వృద్ధి
- ప్రొఫెషన్ ట్యాక్స్ మినహా అన్ని రంగాల్లో తగ్గిన ఆదాయం
ఆంధ్రప్రదేశ్లో జీఎస్టీ 2.0 సంస్కరణలు, మోంథా తుపాను ప్రభావం నవంబర్ నెల పన్నుల ఆదాయంపై పాక్షికంగా ప్రభావం చూపాయి. గత ఏడాదితో పోలిస్తే 2025 నవంబర్లో జీఎస్టీ వసూళ్లు స్వల్పంగా తగ్గినప్పటికీ, ఈ ఆర్థిక సంవత్సరంలో ఇప్పటివరకు నికరంగా 5.80శాతం వృద్ధిని నమోదు చేయడం రాష్ట్ర ఆర్థిక వ్యవస్థ నిలకడకు అద్దం పడుతోందని రాష్ట్ర పన్నుల చీఫ్ కమిషనర్ బాబు ఏ పేర్కొన్నారు.
రాష్ట్ర పన్నుల శాఖ చీఫ్ కమిషనర్ బాబు ఏ విడుదల చేసిన గణాంకాల ప్రకారం.. 2025 నవంబర్లో నికర జీఎస్టీ వసూళ్లు రూ.2,697 కోట్లుగా ఉన్నాయి. ఇది 2024 నవంబర్తో పోలిస్తే 4.60శాతం తక్కువ. మొత్తం వాణిజ్య పన్నుల ఆదాయం (ఇతర పన్నులతో కలిపి) రూ.4,124 కోట్లుగా నమోదైంది. ఇందులో 3.17శాతం క్షీణత కనిపించింది.
ఆదాయం తగ్గడానికి ప్రధాన కారణాలు
సెప్టెంబర్ 22, 2025 నుంచి అమల్లోకి వచ్చిన జీఎస్టీ 2.0 సంస్కరణల కింద ఆటోమొబైల్, సిమెంట్, ఎఫ్ఎంసీజీ, ఎలక్ట్రానిక్స్ వంటి పలు రంగాలపై పన్ను రేట్లు తగ్గించడమే నవంబర్ వసూళ్లు తగ్గడానికి ప్రధాన కారణంగా అధికారులు విశ్లేషిస్తున్నారు. లావాదేవీల సంఖ్య పెరిగినా, పన్ను రేట్లు తక్కువగా ఉండటంతో ఆదాయంపై ప్రభావం పడింది. దీనికి తోడు, ‘మోంథా’ తుపాను కారణంగా తీరప్రాంతాల్లో వ్యాపార కార్యకలాపాలు, వాహనాల రాకపోకలు నిలిచిపోవడంతో పెట్రోలియం ఉత్పత్తులపై ఆదాయం 1.06శాతం మేర తగ్గింది.
మరోవైపు, ప్రొఫెషన్ ట్యాక్స్ వసూళ్లు మాత్రం గతేడాదితో పోలిస్తే 46.22శాతం పెరిగి రూ43 కోట్లకు చేరాయి. మద్యంపై వ్యాట్ ఆదాయంలో కూడా స్వల్ప తగ్గుదల నమోదైంది. పన్ను రేట్ల తగ్గింపు, ప్రకృతి వైపరీత్యాల వంటి సవాళ్లు ఎదురైనప్పటికీ, పటిష్ఠమైన పన్నుల అమలు చర్యల ద్వారా ఆదాయ లక్ష్యంలో 74శాతం చేరుకున్నట్లు అధికారులు వివరించారు.
రాష్ట్ర పన్నుల శాఖ చీఫ్ కమిషనర్ బాబు ఏ విడుదల చేసిన గణాంకాల ప్రకారం.. 2025 నవంబర్లో నికర జీఎస్టీ వసూళ్లు రూ.2,697 కోట్లుగా ఉన్నాయి. ఇది 2024 నవంబర్తో పోలిస్తే 4.60శాతం తక్కువ. మొత్తం వాణిజ్య పన్నుల ఆదాయం (ఇతర పన్నులతో కలిపి) రూ.4,124 కోట్లుగా నమోదైంది. ఇందులో 3.17శాతం క్షీణత కనిపించింది.
ఆదాయం తగ్గడానికి ప్రధాన కారణాలు
సెప్టెంబర్ 22, 2025 నుంచి అమల్లోకి వచ్చిన జీఎస్టీ 2.0 సంస్కరణల కింద ఆటోమొబైల్, సిమెంట్, ఎఫ్ఎంసీజీ, ఎలక్ట్రానిక్స్ వంటి పలు రంగాలపై పన్ను రేట్లు తగ్గించడమే నవంబర్ వసూళ్లు తగ్గడానికి ప్రధాన కారణంగా అధికారులు విశ్లేషిస్తున్నారు. లావాదేవీల సంఖ్య పెరిగినా, పన్ను రేట్లు తక్కువగా ఉండటంతో ఆదాయంపై ప్రభావం పడింది. దీనికి తోడు, ‘మోంథా’ తుపాను కారణంగా తీరప్రాంతాల్లో వ్యాపార కార్యకలాపాలు, వాహనాల రాకపోకలు నిలిచిపోవడంతో పెట్రోలియం ఉత్పత్తులపై ఆదాయం 1.06శాతం మేర తగ్గింది.
మరోవైపు, ప్రొఫెషన్ ట్యాక్స్ వసూళ్లు మాత్రం గతేడాదితో పోలిస్తే 46.22శాతం పెరిగి రూ43 కోట్లకు చేరాయి. మద్యంపై వ్యాట్ ఆదాయంలో కూడా స్వల్ప తగ్గుదల నమోదైంది. పన్ను రేట్ల తగ్గింపు, ప్రకృతి వైపరీత్యాల వంటి సవాళ్లు ఎదురైనప్పటికీ, పటిష్ఠమైన పన్నుల అమలు చర్యల ద్వారా ఆదాయ లక్ష్యంలో 74శాతం చేరుకున్నట్లు అధికారులు వివరించారు.