చుక్కపల్లి, పాతూరి కుటుంబాల వివాహ వేడుకల్లో సీఎం చంద్రబాబు

ఏపీ సీఎం చంద్రబాబు శుక్రవారం పలు శుభకార్యక్రమాల్లో పాల్గొని సందడి చేశారు. పరిపాలన బాధ్యతలతో బిజీగా ఉన్నప్పటికీ, ఆయన ప్రముఖుల ఇళ్లలో జరిగిన వేడుకలకు హాజరై వధూవరులను ఆశీర్వదించారు.

వివరాల్లోకి వెళితే.. కంకిపాడులో జరిగిన చుక్కపల్లి మోహన్‌రావు కుమారుడి వివాహ మహోత్సవానికి సీఎం చంద్రబాబు హాజరయ్యారు. ఈ సందర్భంగా నూతన వధూవరులు సాయిసూర్య, అమర చరితలను మనసారా ఆశీర్వదించి, వారి ఉజ్వల భవిష్యత్తుకు శుభాకాంక్షలు తెలిపారు.

అనంతరం బీజేపీ నేత పాతూరి నాగభూషణం కుమారుడి ప్రీ వెడ్డింగ్ వేడుకలో కూడా సీఎం పాల్గొన్నారు. ఈ కార్యక్రమంలో కాబోయే దంపతులు సాయికృష్ణ, విరజలతో ముచ్చటించి, వారికి శుభాకాంక్షలు తెలిపి ఆశీస్సులు అందించారు. ఈ కార్యక్రమాల్లో సీఎం రాకతో సందడి వాతావరణం నెలకొంది.