ఢిల్లీలో కృత్రిమ వర్షం.. విజయవంతంగా పూర్తయిన ట్రయల్స్
- ఢిల్లీలో తొలిసారిగా కృత్రిమ వర్షం కురిపించేందుకు ప్రయోగం
- ఈ నెల 29న మొదటి ప్రయత్నం చేసేందుకు ఏర్పాట్లు
- బురారీ ప్రాంతంలో విజయవంతంగా పూర్తయిన ప్రాథమిక పరీక్షలు
- పరిస్థితులు అనుకూలిస్తే కాలుష్యానికి శాస్త్రీయ పరిష్కారం
- ఒక్కరోజే 50 పాయింట్లు తగ్గిన వాయు నాణ్యత సూచీ
దేశ రాజధాని ఢిల్లీలో తీవ్రమైన వాయు కాలుష్యాన్ని నియంత్రించేందుకు ప్రభుత్వం ఒక వినూత్న ప్రయోగానికి సిద్ధమైంది. తొలిసారిగా క్లౌడ్ సీడింగ్ పద్ధతి ద్వారా కృత్రిమ వర్షం కురిపించేందుకు అన్ని ఏర్పాట్లు పూర్తి చేసింది. వాతావరణ పరిస్థితులు అనుకూలిస్తే ఈ నెల 29వ తేదీన ఢిల్లీలో మొదటి కృత్రిమ వర్షం పడనుందని సీఎం రేఖా గుప్తా వెల్లడించారు.
ఈ చారిత్రాత్మక ప్రయోగం కోసం గురువారం బురారీ ప్రాంతంలో నిపుణులు జరిపిన పరీక్షలు విజయవంతం అయ్యాయని ఆమె తెలిపారు. "క్లౌడ్ సీడింగ్ ద్వారా కృత్రిమ వర్షం కురిపించేందుకు ఢిల్లీలో సన్నాహాలు పూర్తయ్యాయి. ఈ నెల 28, 29, 30 తేదీల్లో ఆకాశంలో మేఘాలు ఏర్పడే అవకాశం ఉందని వాతావరణ శాఖ సూచించింది. ఈ ప్రయోగం విజయవంతమైతే కాలుష్య నివారణకు ఒక శాస్త్రీయమైన పద్ధతిని ఏర్పాటు చేసిన వాళ్లమవుతాం" అని సీఎం రేఖా గుప్తా తన ఎక్స్ (ట్విట్టర్) ఖాతాలో పేర్కొన్నారు. ఈ వినూత్న ప్రయత్నం ద్వారా రాజధానిలో స్వచ్ఛమైన గాలిని, సమతుల్య వాతావరణాన్ని అందించడమే తమ ప్రభుత్వ లక్ష్యమని ఆమె స్పష్టం చేశారు.
మరోవైపు ప్రభుత్వం ఇప్పటికే చేపట్టిన కాలుష్య నివారణ చర్యలు సత్ఫలితాలు ఇస్తున్నాయని మంత్రి ఎం.ఎస్. సిర్సా తెలిపారు. బుధవారం 353గా ఉన్న వాయు నాణ్యత సూచీ (AQI), ఒక్కరోజులోనే 50 పాయింట్లు తగ్గి గురువారం 305కు మెరుగుపడిందని ఆయన వెల్లడించారు. క్షేత్రస్థాయిలో తీసుకుంటున్న వేగవంతమైన, సమన్వయ చర్యల వల్లే ఇది సాధ్యమైందని ఆయన అన్నారు.
ప్రస్తుతం పగలు, రాత్రి తేడా లేకుండా సుమారు 2000 బృందాలు కాలుష్య నియంత్రణ పనుల్లో నిమగ్నమై ఉన్నాయని సిర్సా వివరించారు. "నిర్మాణ ప్రాంతాల్లో దుమ్ము, చెత్తను కాల్చడం వంటివి నివారించేందుకు వందల సంఖ్యలో బృందాలు పనిచేస్తున్నాయి. గ్రీన్ వార్ రూమ్ ద్వారా అన్ని ఏజెన్సీలను సమన్వయం చేస్తూ కాలుష్యం ఎక్కువగా ఉన్న ప్రాంతాలపై ప్రత్యేక దృష్టి సారించాం" అని ఆయన తెలిపారు. భవిష్యత్ అవసరాల కోసం అదనంగా 70 మెకనైజ్డ్ స్వీపర్లు, 70 యాంటీ-స్మాగ్ గన్లు, నీటి స్ప్రింక్లర్లను సమకూర్చుకోనున్నట్లు మంత్రి పేర్కొన్నారు. ఐఐటీ కాన్పూర్, భారత వాతావరణ శాఖ (ఐఎండీ) సహకారంతో త్వరలోనే క్లౌడ్ సీడింగ్ ప్రయోగాన్ని చేపట్టనున్నట్లు ఆయన ధ్రువీకరించారు.
ఈ చారిత్రాత్మక ప్రయోగం కోసం గురువారం బురారీ ప్రాంతంలో నిపుణులు జరిపిన పరీక్షలు విజయవంతం అయ్యాయని ఆమె తెలిపారు. "క్లౌడ్ సీడింగ్ ద్వారా కృత్రిమ వర్షం కురిపించేందుకు ఢిల్లీలో సన్నాహాలు పూర్తయ్యాయి. ఈ నెల 28, 29, 30 తేదీల్లో ఆకాశంలో మేఘాలు ఏర్పడే అవకాశం ఉందని వాతావరణ శాఖ సూచించింది. ఈ ప్రయోగం విజయవంతమైతే కాలుష్య నివారణకు ఒక శాస్త్రీయమైన పద్ధతిని ఏర్పాటు చేసిన వాళ్లమవుతాం" అని సీఎం రేఖా గుప్తా తన ఎక్స్ (ట్విట్టర్) ఖాతాలో పేర్కొన్నారు. ఈ వినూత్న ప్రయత్నం ద్వారా రాజధానిలో స్వచ్ఛమైన గాలిని, సమతుల్య వాతావరణాన్ని అందించడమే తమ ప్రభుత్వ లక్ష్యమని ఆమె స్పష్టం చేశారు.
మరోవైపు ప్రభుత్వం ఇప్పటికే చేపట్టిన కాలుష్య నివారణ చర్యలు సత్ఫలితాలు ఇస్తున్నాయని మంత్రి ఎం.ఎస్. సిర్సా తెలిపారు. బుధవారం 353గా ఉన్న వాయు నాణ్యత సూచీ (AQI), ఒక్కరోజులోనే 50 పాయింట్లు తగ్గి గురువారం 305కు మెరుగుపడిందని ఆయన వెల్లడించారు. క్షేత్రస్థాయిలో తీసుకుంటున్న వేగవంతమైన, సమన్వయ చర్యల వల్లే ఇది సాధ్యమైందని ఆయన అన్నారు.
ప్రస్తుతం పగలు, రాత్రి తేడా లేకుండా సుమారు 2000 బృందాలు కాలుష్య నియంత్రణ పనుల్లో నిమగ్నమై ఉన్నాయని సిర్సా వివరించారు. "నిర్మాణ ప్రాంతాల్లో దుమ్ము, చెత్తను కాల్చడం వంటివి నివారించేందుకు వందల సంఖ్యలో బృందాలు పనిచేస్తున్నాయి. గ్రీన్ వార్ రూమ్ ద్వారా అన్ని ఏజెన్సీలను సమన్వయం చేస్తూ కాలుష్యం ఎక్కువగా ఉన్న ప్రాంతాలపై ప్రత్యేక దృష్టి సారించాం" అని ఆయన తెలిపారు. భవిష్యత్ అవసరాల కోసం అదనంగా 70 మెకనైజ్డ్ స్వీపర్లు, 70 యాంటీ-స్మాగ్ గన్లు, నీటి స్ప్రింక్లర్లను సమకూర్చుకోనున్నట్లు మంత్రి పేర్కొన్నారు. ఐఐటీ కాన్పూర్, భారత వాతావరణ శాఖ (ఐఎండీ) సహకారంతో త్వరలోనే క్లౌడ్ సీడింగ్ ప్రయోగాన్ని చేపట్టనున్నట్లు ఆయన ధ్రువీకరించారు.