Vడ్ల యోగి: ఫిలిప్పీన్స్లో కామారెడ్డి విద్యార్థి మృతి.. పుట్టినరోజు నాడే గుండె ఆగిపోయింది!
ఉన్నత విద్య కోసం విదేశాలకు వెళ్లిన యువకుడి జీవితంలో 23వ పుట్టినరోజే చివరి రోజైంది. కామారెడ్డి జిల్లాకు చెందిన వైద్య విద్యార్థి ఒకరు ఫిలిప్పీన్స్లో గుండెపోటుతో మరణించారు. ఆ యువకుడి పుట్టినరోజు వేడుకలు జరుపుకోవాల్సిన ఇంట్లో ఈ విషాద వార్త తీవ్ర దుఃఖాన్ని నింపింది. కుటుంబ సభ్యుల రోదనలు మిన్నంటాయి.
కామారెడ్డి జిల్లా డోంగ్లీ మండలం కుర్లెం గ్రామానికి చెందిన వడ్ల యోగి (23) మూడేళ్ల క్రితం వైద్య విద్యను అభ్యసించడానికి ఫిలిప్పీన్స్కు వెళ్లాడు. కళాశాల సెలవుల కారణంగా మూడు నెలల క్రితం స్వగ్రామానికి వచ్చిన యోగి, 15 రోజుల క్రితం తిరిగి ఫిలిప్పీన్స్కు చేరుకున్నాడు. బుధవారం యోగి 23వ పుట్టినరోజు కావడంతో ఉదయం 8 గంటల సమయంలో తల్లిదండ్రులు, కుటుంబసభ్యులు, స్నేహితులు ఫోన్లో అతనికి శుభాకాంక్షలు తెలిపారు.
అయితే, ఆ సంతోషం ఎంతోసేపు నిలవలేదు. కుటుంబంతో మాట్లాడిన కొద్దిసేపటికే యోగి తన తండ్రికి ఫోన్ చేసి, ఛాతీలో తీవ్రమైన నొప్పి వస్తోందని చెప్పాడు. కంగారుపడిన తండ్రి వెంటనే ఆసుపత్రికి వెళ్లమని సూచించారు. దీంతో యోగి తన స్నేహితుల సహాయంతో ఆసుపత్రికి వెళుతుండగా, తాను ఉంటున్న భవనం మెట్లు దిగుతుండగా ఒక్కసారిగా కుప్పకూలిపోయాడు.
స్నేహితులు వెంటనే అతడిని సమీపంలోని ఆసుపత్రికి తరలించారు. యోగిని పరీక్షించిన వైద్యులు, అతను అప్పటికే మృతి చెందినట్లు నిర్ధారించారు. స్నేహితులు ఈ విషాద వార్తను యోగి కుటుంబసభ్యులకు తెలియజేశారు. కుమారుడి మరణవార్త విన్న తల్లిదండ్రులు, బంధువులు కన్నీరుమున్నీరయ్యారు. తమ కుమారుడి మృతదేహాన్ని స్వదేశానికి రప్పించేందుకు ప్రభుత్వం చొరవ చూపి, తమకు అండగా నిలవాలని వారు కన్నీటితో వేడుకుంటున్నారు. ఈ ఘటనతో కుర్లెం గ్రామంలో విషాద ఛాయలు అలుముకున్నాయి.
కామారెడ్డి జిల్లా డోంగ్లీ మండలం కుర్లెం గ్రామానికి చెందిన వడ్ల యోగి (23) మూడేళ్ల క్రితం వైద్య విద్యను అభ్యసించడానికి ఫిలిప్పీన్స్కు వెళ్లాడు. కళాశాల సెలవుల కారణంగా మూడు నెలల క్రితం స్వగ్రామానికి వచ్చిన యోగి, 15 రోజుల క్రితం తిరిగి ఫిలిప్పీన్స్కు చేరుకున్నాడు. బుధవారం యోగి 23వ పుట్టినరోజు కావడంతో ఉదయం 8 గంటల సమయంలో తల్లిదండ్రులు, కుటుంబసభ్యులు, స్నేహితులు ఫోన్లో అతనికి శుభాకాంక్షలు తెలిపారు.
అయితే, ఆ సంతోషం ఎంతోసేపు నిలవలేదు. కుటుంబంతో మాట్లాడిన కొద్దిసేపటికే యోగి తన తండ్రికి ఫోన్ చేసి, ఛాతీలో తీవ్రమైన నొప్పి వస్తోందని చెప్పాడు. కంగారుపడిన తండ్రి వెంటనే ఆసుపత్రికి వెళ్లమని సూచించారు. దీంతో యోగి తన స్నేహితుల సహాయంతో ఆసుపత్రికి వెళుతుండగా, తాను ఉంటున్న భవనం మెట్లు దిగుతుండగా ఒక్కసారిగా కుప్పకూలిపోయాడు.
స్నేహితులు వెంటనే అతడిని సమీపంలోని ఆసుపత్రికి తరలించారు. యోగిని పరీక్షించిన వైద్యులు, అతను అప్పటికే మృతి చెందినట్లు నిర్ధారించారు. స్నేహితులు ఈ విషాద వార్తను యోగి కుటుంబసభ్యులకు తెలియజేశారు. కుమారుడి మరణవార్త విన్న తల్లిదండ్రులు, బంధువులు కన్నీరుమున్నీరయ్యారు. తమ కుమారుడి మృతదేహాన్ని స్వదేశానికి రప్పించేందుకు ప్రభుత్వం చొరవ చూపి, తమకు అండగా నిలవాలని వారు కన్నీటితో వేడుకుంటున్నారు. ఈ ఘటనతో కుర్లెం గ్రామంలో విషాద ఛాయలు అలుముకున్నాయి.
