Anil Kumar Irrigation: మేడిగడ్డ ఎఫెక్ట్... నీటిపారుదల శాఖ ఈఎన్సీ అనిల్ కుమార్పై బదిలీ వేటు
తెలంగాణ రాష్ట్ర నీటిపారుదల రంగంలో కీలక పరిణామం చోటుచేసుకుంది. నీటిపారుదల శాఖ ఇంజినీర్ ఇన్ చీఫ్ జి.అనిల్ కుమార్ను ప్రభుత్వం బదిలీ చేసింది. ఆయనకు తదుపరి పోస్టింగ్ ఎక్కడా కేటాయించకుండా, తక్షణమే ప్రభుత్వానికి రిపోర్టు చేయాల్సిందిగా ఉన్నతాధికారులు ఆదేశాలు జారీ చేశారు. ఈ ఆకస్మిక బదిలీ వెనుక మేడిగడ్డ ఆనకట్ట గ్రౌటింగ్కు సంబంధించిన వివాదమే ప్రధాన కారణంగా తెలుస్తోంది.
మేడిగడ్డ బ్యారేజీకి గ్రౌటింగ్ పనులు చేపట్టడం వల్ల, నిర్మాణానికి సంబంధించిన సమగ్రమైన పరీక్షలు నిర్వహించేందుకు వీలు లేకుండా పోయిందని జాతీయ ఆనకట్టల భద్రతా అథారిటీ (ఎన్డీఎస్ఏ) నిపుణుల కమిటీ తన తుది నివేదికలో స్పష్టం చేసినట్లు సమాచారం. ఎవరి ఆదేశాల మేరకు ఈ గ్రౌటింగ్ పనులు చేపట్టారనే అంశంపై ప్రభుత్వం అనిల్ కుమార్ తీరుపై తీవ్ర అసంతృప్తి వ్యక్తం చేసినట్లు విశ్వసనీయ వర్గాలు పేర్కొంటున్నాయి. ఈ అంశం ముఖ్యమంత్రి, మంత్రుల స్థాయి సమావేశంలో కూడా చర్చకు వచ్చినట్లు తెలిసింది.
ఇదిలా ఉండగా, మరో వివాదం కూడా అనిల్ కుమార్ బదిలీకి కారణంగా చెబుతున్నారు. ఈఈ నూనె శ్రీధర్ను బదిలీ చేసినప్పటికీ, ఆయన పాత స్థానంలోనే కొనసాగేందుకు అనిల్ కుమార్ సహకరించారనే ఆరోపణలు కూడా ఉన్నాయి. ఈ పరిణామాలన్నింటినీ తీవ్రంగా పరిగణించిన రాష్ట్ర ప్రభుత్వం, ఈఎన్సీ జనరల్ హోదాలో ఉన్న అనిల్ కుమార్ను బదిలీ చేస్తూ నిర్ణయం తీసుకుంది.
అనిల్ కుమార్ స్థానంలో, చీఫ్ ఇంజినీర్గా ఉన్న అంజద్ హుస్సేన్కు ఈఎన్సీ జనరల్గా పూర్తి స్థాయి అదనపు బాధ్యతలను అప్పగించారు. అంజద్ హుస్సేన్ ఇప్పటికే ఈఎన్సీ (అడ్మిన్)గా కూడా అదనపు బాధ్యతలు నిర్వర్తిస్తున్నారు. తాజా ఉత్తర్వులతో ఆయన రెండు కీలక పోస్టుల్లోనూ కొనసాగనున్నారు. ఈ మేరకు నీటిపారుదలశాఖ ముఖ్యకార్యదర్శి రాహుల్ బొజ్జా శుక్రవారం మెమో జారీ చేశారు.
మేడిగడ్డ బ్యారేజీకి గ్రౌటింగ్ పనులు చేపట్టడం వల్ల, నిర్మాణానికి సంబంధించిన సమగ్రమైన పరీక్షలు నిర్వహించేందుకు వీలు లేకుండా పోయిందని జాతీయ ఆనకట్టల భద్రతా అథారిటీ (ఎన్డీఎస్ఏ) నిపుణుల కమిటీ తన తుది నివేదికలో స్పష్టం చేసినట్లు సమాచారం. ఎవరి ఆదేశాల మేరకు ఈ గ్రౌటింగ్ పనులు చేపట్టారనే అంశంపై ప్రభుత్వం అనిల్ కుమార్ తీరుపై తీవ్ర అసంతృప్తి వ్యక్తం చేసినట్లు విశ్వసనీయ వర్గాలు పేర్కొంటున్నాయి. ఈ అంశం ముఖ్యమంత్రి, మంత్రుల స్థాయి సమావేశంలో కూడా చర్చకు వచ్చినట్లు తెలిసింది.
ఇదిలా ఉండగా, మరో వివాదం కూడా అనిల్ కుమార్ బదిలీకి కారణంగా చెబుతున్నారు. ఈఈ నూనె శ్రీధర్ను బదిలీ చేసినప్పటికీ, ఆయన పాత స్థానంలోనే కొనసాగేందుకు అనిల్ కుమార్ సహకరించారనే ఆరోపణలు కూడా ఉన్నాయి. ఈ పరిణామాలన్నింటినీ తీవ్రంగా పరిగణించిన రాష్ట్ర ప్రభుత్వం, ఈఎన్సీ జనరల్ హోదాలో ఉన్న అనిల్ కుమార్ను బదిలీ చేస్తూ నిర్ణయం తీసుకుంది.
అనిల్ కుమార్ స్థానంలో, చీఫ్ ఇంజినీర్గా ఉన్న అంజద్ హుస్సేన్కు ఈఎన్సీ జనరల్గా పూర్తి స్థాయి అదనపు బాధ్యతలను అప్పగించారు. అంజద్ హుస్సేన్ ఇప్పటికే ఈఎన్సీ (అడ్మిన్)గా కూడా అదనపు బాధ్యతలు నిర్వర్తిస్తున్నారు. తాజా ఉత్తర్వులతో ఆయన రెండు కీలక పోస్టుల్లోనూ కొనసాగనున్నారు. ఈ మేరకు నీటిపారుదలశాఖ ముఖ్యకార్యదర్శి రాహుల్ బొజ్జా శుక్రవారం మెమో జారీ చేశారు.
