Mandaadi: 'మండాడి' ఫ‌స్ట్‌లుక్ పోస్ట‌ర్ విడుద‌ల.. వైల్డ్ లుక్‌లో ద‌ర్శ‌న‌మిచ్చిన సుహాస్
కోలీవుడ్ టాప్ ద‌ర్శ‌కుల‌లో ఒక‌రైన వెట్రిమారన్ సినిమాల్లో పాత్ర‌లు ఎలా ఉంటాయో ప్ర‌త్యేకంగా చెప్పాల్సిన ప‌నిలేదు. అలాంటి ఓ మంచి ఛాన్స్‌... టాలీవుడ్ యువ న‌టుడు సుహాస్ అందుకున్నారు. వెట్రిమారన్ బ్యాన‌ర్‌లో రూపొందుతున్న 'మండాడి' లో సుహాస్ ఓ కీల‌క పాత్ర పోషించారు.
ఈ మూవీ తెలుగు ఫ‌స్ట్‌ లుక్ ఈరోజు విడుద‌లైంది. ఇందులో సుహాస్ వైల్డ్ లుక్‌లో చాలా ప్రామిసింగ్ గా క‌నిపిస్తున్నారు. వెట్రిమారన్ స్టైల్ లో సాగే రా అండ్‌ ర‌స్టిక్ స్పోర్ట్స్ డ్రామా ఇది. త‌మిళంలో సుహాస్‌కు ఓర‌కంగా మంచి బిగినింగ్ అనుకోవాలి. ఈ సినిమాలో చాలా స‌ర్‌ప్రైజ్‌లు ఉన్నాయ‌ట. అవ‌న్నీ ఒకొక్క‌టిగా బ‌య‌ట‌కు వ‌స్తాయ‌ని చిత్ర‌బృందం చెబుతోంది.
ఇక, ఈ చిత్రంలో కోలీవుడ్ న‌టుడు సూరి మ‌రో కీల‌క పాత్ర‌లో న‌టిస్తున్నారు. మతిమార‌న్ పుగ‌ళేంది ద‌ర్శ‌క‌త్వం వ‌హిస్తున్న ఈ సినిమాలో మ‌హిమా నంబియార్ హీరోయిన్‌. అలాగే స‌త్య‌రాజ్‌, అచ్యుత్‌ కుమార్, స‌చ్చనా న‌మిదాస్‌, ర‌వీంద్ర విజ‌య్ త‌దిత‌రులు ఇతర కీల‌క పాత్ర‌ల్లో క‌నిపించ‌నున్నారు. ఈ స్పోర్ట్స్ డ్రామాకు యువ సంగీత ద‌ర్శ‌కుడు జీవీ ప్ర‌కాశ్ కుమార్ బాణీలు అందిస్తున్నారు.
