Hyderabad: కాబోయే భార్యను ఆటపట్టించబోయి.. యువకుడి విషాదాంతం!
- కాబోయే భార్యతో సరదగా మాట్లాడుతూ ఉరివేసుకుంటున్నట్లు నాటకమాడిన యువకుడు
- పొరబాటున వైర్ మెడకు బిగుసుకోవడంతో యువకుడు ఆదర్శ్ మృతి
- రెండు కుటుంబాల్లో విషాదం
ఓ యువకుడు సరదాగా చేసిన పని అతని ప్రాణాలను బలిగొని, విషాదాన్ని మిగిల్చింది. కాబోయే భార్యను సరదాగా ఆటపట్టించబోయిన అతడు ఊహించని విధంగా మరణించాడు. హైదరాబాద్లోని కాచిగూడ పోలీస్ స్టేషన్ పరిధిలో ఈ ఘటన చోటుచేసుకుంది.
పోలీసులు తెలిపిన వివరాల ప్రకారం.. తిలక్ నగర్కు చెందిన క్యాబ్ డ్రైవర్ గ్యార ఆదర్శ్ (25)కు ఇటీవల ఓ యువతితో వివాహం నిశ్చయమైంది. వచ్చే నెలలో వివాహం జరిపించేందుకు పెద్దలు ముహూర్తం ఖరారు చేశారు. ఇక వివాహానికి సంబంధించి ఇరు కుటుంబాల వారు ఏర్పాట్లు చేస్తున్నారు. వివాహం నిశ్చయం కావడంతో ఇద్దరూ తరచూ ఫోన్లో మాట్లాడుకుంటున్నారు.
ఈ క్రమంలో సోమవారం రాత్రి కాబోయే భార్యను ఆదర్శ్ ఆటపట్టించాలనుకున్నాడు. ఆత్మహత్య చేసుకుంటున్నట్లు నాటకం ఆడాలని భావించిన ఆదర్శ్.. ఫ్యాన్కు ఐరన్ బాక్స్ వైరుతో ఉరి వేసుకుంటున్నట్లుగా సెల్ఫీ దిగాడు. ఆ ఫోటోను కాబోయే భార్యకు వాట్సప్ ద్వారా పంపాడు.
ఆ తర్వాత కిందకు దిగే ప్రయత్నంలో ఉండగా, ప్రమాదవశాత్తు ఆదర్శ్ మెడకు వైర్ బిగుసుకుంది. ఆ సమయంలో అతడిని కాపాడేందుకు ఇంట్లో ఎవరూ లేకపోవడంతో ఆదర్శ్ మృతి చెందాడు. మంగళవారం ఉదయం ఆదర్శ్ కుటుంబ సభ్యులు ఇంటికి వచ్చి చూడగా అతను విగతజీవుడై కనిపించాడు. ఈ ఘటన రెండు కుటుంబాల్లో తీవ్ర విషాదం నింపింది. కాచిగూడ పోలీసులు కేసు నమోదు చేసి, ఆదర్శ్ మృతదేహాన్ని పోస్టుమార్టం నిమిత్తం ఆసుపత్రికి తరలించారు.
పోలీసులు తెలిపిన వివరాల ప్రకారం.. తిలక్ నగర్కు చెందిన క్యాబ్ డ్రైవర్ గ్యార ఆదర్శ్ (25)కు ఇటీవల ఓ యువతితో వివాహం నిశ్చయమైంది. వచ్చే నెలలో వివాహం జరిపించేందుకు పెద్దలు ముహూర్తం ఖరారు చేశారు. ఇక వివాహానికి సంబంధించి ఇరు కుటుంబాల వారు ఏర్పాట్లు చేస్తున్నారు. వివాహం నిశ్చయం కావడంతో ఇద్దరూ తరచూ ఫోన్లో మాట్లాడుకుంటున్నారు.
ఈ క్రమంలో సోమవారం రాత్రి కాబోయే భార్యను ఆదర్శ్ ఆటపట్టించాలనుకున్నాడు. ఆత్మహత్య చేసుకుంటున్నట్లు నాటకం ఆడాలని భావించిన ఆదర్శ్.. ఫ్యాన్కు ఐరన్ బాక్స్ వైరుతో ఉరి వేసుకుంటున్నట్లుగా సెల్ఫీ దిగాడు. ఆ ఫోటోను కాబోయే భార్యకు వాట్సప్ ద్వారా పంపాడు.
ఆ తర్వాత కిందకు దిగే ప్రయత్నంలో ఉండగా, ప్రమాదవశాత్తు ఆదర్శ్ మెడకు వైర్ బిగుసుకుంది. ఆ సమయంలో అతడిని కాపాడేందుకు ఇంట్లో ఎవరూ లేకపోవడంతో ఆదర్శ్ మృతి చెందాడు. మంగళవారం ఉదయం ఆదర్శ్ కుటుంబ సభ్యులు ఇంటికి వచ్చి చూడగా అతను విగతజీవుడై కనిపించాడు. ఈ ఘటన రెండు కుటుంబాల్లో తీవ్ర విషాదం నింపింది. కాచిగూడ పోలీసులు కేసు నమోదు చేసి, ఆదర్శ్ మృతదేహాన్ని పోస్టుమార్టం నిమిత్తం ఆసుపత్రికి తరలించారు.
