Oscars 2025 Winners: వీరే ఆస్కార్ 2025 విజేతలు
- లాస్ ఏంజిల్స్ లో అట్టహాసంగా అస్కార్ అవార్డుల ప్రదానోత్సవం
- ఉత్తమ నటుడిగా ఆడ్రియన్ బ్రాడీ
- ఉత్తమ నటిగా మైకీ మ్యాడిసన్
సినీ రంగంలో అత్యంత ప్రతిష్ఠాత్మకమైన, అత్యున్నతమైన ఆస్కార్ అవార్డును ఒక్కసారైనా అందుకోవాలని ప్రతి నటుడు, ఆర్టిస్ట్, టెక్నీషియన్ ఆశిస్తుంటారు. అలాంటి అవార్డుల ప్రదానోత్సవం అంగరంగ వైభవంగా లాస్ ఏంజిల్స్‌‌లోని డాల్బీ థియేటర్‌లో అట్టహాసంగా జరిగింది. 97వ అకాడమీ అవార్డుల ప్రదానోత్సవ వేడుకకు సినీ తారలతో పాటు టెక్నీషియన్లు హాజరయ్యారు. ఉత్తమ సహాయ నటుడితో మొదలైన అవార్డుల ప్రదానోత్సవం బెస్ట్ పిక్చర్ తో ముగియనుంది.
ది బ్రూటలిస్ట్ చిత్రంలో నటనకు గాను ఆడ్రియన్ బ్రాడీ ఉత్తమ నటుడిగా ఆస్కార్ అందుకోగా... అనోరా చిత్రం వేశ్య పాత్రకు గాను మైకీ మ్యాడిసన్ ఉత్తమ నటిగా పురస్కారం అందుకున్నారు. అనోరా చిత్రానికి గాను ఉత్తమ దర్శకుడిగా షాన్ బేకర్ అవార్డు అందుకున్నారు.
'ఎ రియల్ పెయిన్' చిత్రంలో నటనకు గానూ కీరన్ కైల్ కల్కిన్ ఉత్తమ సహాయ నటుడిగా... 'ఎమిలియా పెరెజ్'లో నటనకు జో సల్దానా ఉత్తమ సహాయ నటిగా ఆస్కార్ అందుకున్నారు. గత ఏడాది బాక్సాఫీసు వద్ద కాసుల వర్షం కురిపించిన 'డ్యూన్: పార్ట్ 2' ఉత్తమ సౌండ్, విజువల్ ఎఫెక్ట్స్ విభాగంలో ఆస్కార్‌ను సొంతం చేసుకుంది. లైవ్ యాక్షన్ షార్ట్ ఫిల్మ్ విభాగంలో మనదేశం నుంచి నామినేషన్ సొంతం చేసుకున్న అనూజ మూవీకి నిరాశ ఎదురైంది. ఆ విభాగంలో ఐయామ్ నాట్ ఏ రోబో ఉత్తమ లఘు చిత్రంగా అవార్డును గెలుచుకుంది. ఈ కార్యక్రమానికి వ్యాఖ్యతగా నటి అమేలియా డిమోల్డెన్ బర్గ్ వ్యవహరించారు.
ఆస్కార్ విజేతలు వీరే..
ఉత్తమ నటుడు- ఆడ్రియన్ బ్రాడీ (ది బ్రూటలిస్ట్)
ఉత్తమ నటి- మైకీ మ్యాడిసన్ (అనోరా)
ఉత్తమ దర్శకుడు- షాన్ బేకర్ (అనోరా)
ఉత్తమ సహాయ నటుడు - కీరన్ కైల్ కల్కిన్ (ది రియల్ పెయిన్)
ఉత్తమ సహా నటి - జో సల్దానా (ఎమిలియా పెరెజ్)
ఉత్తమ స్క్రీన్‌ప్లే - అనోరా (సీన్‌ బేకర్)
ఉత్తమ అడాప్టెడ్‌ స్క్రీన్‌ప్లే - కాన్‌క్లేవ్‌ (పీటర్‌ స్ట్రాగన్‌)
ఉత్తమ కాస్ట్యూమ్‌ డిజైన్‌ - విక్ డ్‌ (పాల్‌ తేజ్‌వెల్‌)
ఉత్తమ మేకప్‌, హెయిల్‌స్టైల్‌ - ది సబ్‌స్టాన్స్‌
ఉత్తమ ఎడిటింగ్ - అనోరా (సీన్‌ బేకర్)
ఉత్తమ సినిమాటోగ్రఫీ - ది బ్రూటలిస్ట్ (లాల్‌ క్రాలే)
ఉత్తమ సౌండ్ - డ్యూన్: పార్ట్2
ఉత్తమ విజువల్ ఎఫెక్ట్స్ - డ్యూన్:పార్ట్2
ఉత్తమ ఒరిజినల్‌ సాంగ్‌ - ఎల్‌ మాల్‌ (ఎమిలియా పెరెజ్)
ఇంటర్నేషనల్‌ ఫీచర్‌ ఫిల్మ్ - ఐయామ్ స్టిల్‌ హియర్‌ (వాల్టర్‌ సాల్లెస్‌)
ఉత్తమ ఒరిజినల్‌ స్కోర్‌ - ది బ్రూటలిస్ట్ (డానియల్‌ బ్లమ్‌బెర్గ్‌)
ఉత్తమ ప్రొడక్షన్‌ డిజైన్‌ - విక్ డ్‌
ఉత్తమ లైవ్ యాక్షన్ షార్ట్ ఫిల్మ్ - ఐయామ్ నాట్ ఏ రోబో
ఉత్తమ డాక్యుమెంటరీ షార్ట్ ఫిల్మ్- ది ఓన్లీ గర్ల్ ఇన్‌ ది ఆర్కెస్ట్రా
ఉత్తమ డాక్యుమెంటరీ ఫీచర్‌ ఫిల్మ్ - నో అదర్‌ ల్యాండ్‌
ఉత్తమ యానిమేటెడ్‌ ఫీచర్‌ ఫిల్మ్ - ఫ్లో
ఉత్తమ యానిమేటెడ్‌ షార్ట్‌ఫిల్మ్‌ - ఇన్‌ ది షాడో ఆఫ్‌ ది సైప్రెస్‌
