నిమ్స్ అనెస్తీషియా వైద్యుడి ఆత్మహత్య

హైదరాబాద్ నిమ్స్ ఆసుపత్రి అనెస్తీషియా అడిషనల్ ప్రొఫెసర్ పాచీకర్ ఆత్మహత్య చేసుకున్నారు. తనకు తానుగా మోతాదుకు మించి అనెస్తీషియా ఇచ్చుకోవడం ద్వారా ఆయన అపస్మారకస్థితిలోకి వెళ్లిపోయారు. కుటుంబ సభ్యులు ఆయనను ఆసుపత్రికి తరలించగా చికిత్స పొందుతూ ఈ ఉదయం మృతి చెందారు. ఆయన ఆత్మహత్యకు గల కారణాలు తెలియాల్సి ఉంది. కేసు నమోదు చేసుకున్న పోలీసులు దర్యాప్తు చేస్తున్నారు.