రష్యాలోని గ్యాస్ స్టేషన్లో భారీ పేలుడు.. 27 మంది మృతి.. మాస్కోకు పలువురి ఎయిర్లిఫ్ట్
- కార్ల సర్వీసింగ్ సెంటర్లో ప్రారంభమైన మంటలు గ్యాస్ స్టేషన్కు వ్యాప్తి
- మృతి చెందినవారిలో ముగ్గురు చిన్నారులు
- క్రిమినల్ ఇన్వెస్టిగేషన్ దర్యాఫ్తు ప్రారంభించిన అధికారులు
రష్యాలోని గ్యాస్ స్టేషన్లో భారీ పేలుడు సంభవించింది. ఈ ఘటనలో 27 మంది మృతి చెందగా, వందమందికి పైగా గాయాలయ్యాయి. రష్యాలోని సదర్న్ రిపబ్లిక్ ఆఫ్ డాగేస్థాన్లోని గ్యాస్ స్టేషన్లో ఈ పేలుడు సంభవించింది. మృతి చెందినవారిలో ముగ్గురు చిన్నారులు ఉన్నట్లు గవర్నర్ సెర్గీ మెలికోవ్ తెలిపారు. కార్ల సర్వీసింగ్ సెంటర్లో మంటలు ప్రారంభమై, సమీపంలోని గ్యాస్ స్టేషన్కు వ్యాపించాయి. ఈ ఘటనలో తీవ్రంగా గాయపడిన పలువురిని చికిత్స నిమిత్తం మాస్కోకు ఎయిర్ లిఫ్ట్ చేశారు. రష్యా అధికారులు క్రిమినల్ ఇన్వెస్టిగేషన్ దర్యాఫ్తు ప్రారంభించారు.
