పిక్ ఆఫ్ ద డే!.. కొడుకు గ్రాడ్యుయేష‌న్‌ సెర్మనీలో రేణు దేశాయ్‌తో ప‌వ‌న్ క‌ల్యాణ్!

టాలీవుడ్ పవర్ స్టార్, జనసేన అధినేత పవన్ కల్యాణ్ తన మాజీ భార్య రేణుదేశాయ్‌తో క‌లిసి ఒకే ఫ్రేమ్‌లో క‌నిపించారు. సోమ‌వారం రాత్రి సోష‌ల్ మీడియాలోకి ఎంట్రీ ఇచ్చిన ఈ ఫొటో తెగ వైర‌ల్‌గా మారిపోయింది. ప‌వ‌న్‌, రేణు దేశాయ్‌ల‌కు ఓ కుమారుడు, ఓ కుమార్తె ఉన్న‌ సంగ‌తి తెలిసిందే. విడాకులు తీసుకున్న త‌ర్వాత ఇద్ద‌రు పిల్ల‌లూ రేణు దగ్గ‌రే ఉంటున్నారు. కుమారుడు అకీరా నంద‌న్ అప్పుడ‌ప్పుడు త‌న తండ్రి వ‌ద్ద‌కు వచ్చివెళుతున్న విష‌యం తెలిసిందే. 

ఈ క్ర‌మంలో ఇండ‌స్ ఇంట‌ర్నేష‌న‌ల్ స్కూల్‌లో చ‌దువుతున్న అకీరా నంద‌న్ సోమ‌వారం త‌న స్కూల్ గ్రాడ్యుయేష‌న్ పూర్తి చేసుకున్నాడు. ఈ కార్య‌క్ర‌మానికి రేణు దేశాయ్ త‌న కూతురుతో క‌లిసి రాగా... ప‌వ‌న్ క‌ల్యాణ్ కూడా ఈ వేడుక‌కు హాజ‌ర‌య్యారు. ఈ సంద‌ర్భంగా గ్రాడ్యుయేష‌న్ పూర్తి చేసుకున్న అకీరా నంద‌న్‌తో క‌లిసి ప‌వ‌న్‌, రేణు దేశాయ్‌, వారి కూతురు క‌లిసి ఓ ఫొటో దిగారు. సోష‌ల్ మీడియాలోకి ఎంట్రీ ఇచ్చిన ఈ ఫొటో నిమిషాల వ్య‌వ‌ధిలోనే వైర‌ల్‌గా మారిపోయింది.