నాకు ఈ హీరోయిన్ తో నటించాలని ఉంది: యష్

ఇప్పుడు ఎక్కడ చూసినా 'కేజీఎఫ్ 2' గురించిన చర్చే నడుస్తోంది. భారీ ప్రమోషన్లు చేయకుండానే ఈ సినిమా దేశ వ్యాప్తంగా బాక్సాఫీస్ ను షేక్ చేస్తోంది. ఇప్పటికే దాదాపు రూ. 700 కోట్ల రూపాయలను కొల్లగొట్టింది. ఈ చిత్రంతో కన్నడ స్టార్ యష్ పేరు దేశవ్యాప్తంగా మారుమోగుతోంది. దర్శకుడు ప్రశాంత్ నీల్ పై ప్రశంసల జల్లు కురుస్తోంది. 

మరోవైపు ఓ ఇంటర్వ్యూలో యష్ మాట్లాడుతూ ఆసక్తికర విషయాన్ని వెల్లడించాడు. తన ఫేవరెట్ హీరోయిన్ దీపిక పదుకుణే అని చెప్పాడు. ఆమెతో కలిసి నటించాలనేది తన కోరిక అని తెలిపాడు. దీపిక నటన ఎంతో బాగుంటుందని చెప్పాడు. ఆమె నటించే సినిమాలను చూస్తుంటానని అన్నాడు.