RRR: 'ఆర్ఆర్ఆర్' టీమ్ కు దిల్ రాజు ఇచ్చిన పార్టీలో సందడి మామూలుగా లేదు.. వీడియో ఇదిగో!

జూనియర్ ఎన్టీఆర్, రామ్ చరణ్, రాజమౌళి కాంబినేషన్లో తెరకెక్కిన విజువల్ వండర్ 'ఆర్ఆర్ఆర్' మార్చి 25న ప్రపంచ వ్యాప్తంగా విడుదలైంది. అంచనాలకు తగ్గట్టుగానే ఈ చిత్రం భారీ వసూళ్లను రాబడుతూ బాక్సాఫీస్ ను షేక్ చేస్తోంది. బాలీవుడ్ సినిమాలను సైతం వెనక్కి నెట్టేసి భారీ కలెక్షన్లను వసూలు చేస్తోంది. మరోవైపు ఈ సినిమా నైజాం ఏరియా డిస్ట్రిబ్యూషన్ హక్కులను ప్రముఖ నిర్మాత దిల్ రాజు తీసుకున్నారు. నైజాంలో ఈ చిత్రం భారీ వసూళ్లను రాబట్టడంతో... 'ఆర్ఆర్ఆర్' టీమ్ కు ఆయన సక్సెస్ పార్టీ ఇచ్చారు. 

హైదరాబాద్ లోని ఎన్ కన్వెన్షన్ లో ఈ పార్టీ జరిగింది. ఈ పార్టీకి తారక్, చరణ్, రాజమౌళి, మరో దర్శకుడు అనిల్ రావిపూడితో పాటు 'ఆర్ఆర్ఆర్' టీమ్ సభ్యులు, ఇతర టాలీవుడ్ ప్రముఖులు హాజరయ్యారు. పార్టీలో రాజమౌళి, అనిల్ రావిపూడి 'నాటు నాటు' పాటకు స్టెప్పులు వేసి అలరించారు. ఈ వీడియో ఇప్పుడు వైరల్ అవుతోంది.