ముహూర్తం ఖరారు చేసుకున్న 'భోళాశంకర్'
- వచ్చేనెల 11వ తేదీన పూజా కార్యక్రమాలు
- 15వ తేదీ నుంచి రెగ్యులర్ షూటింగు
- చెల్లెలి పాత్రలో కీర్తి సురేశ్
- సంగీత దర్శకుడిగా మహతి స్వరసాగర్
చిరంజీవి ప్రస్తుతం 'గాడ్ ఫాదర్' సినిమా చేస్తున్నారు. ఇది 'లూసిఫర్' అనే మలయాళ సినిమాకి రీమేక్. ఈ సినిమా తరువాత ఆయన మెహర్ రమేశ్ దర్శకత్వంలో 'భోళాశంకర్' .. బాబీ దర్శకత్వంలో 'వాల్తేర్ వీర్రాజు' సినిమాలను లైన్లో పెట్టారు. అయితే ముందుగా 'వాల్తేర్ వీర్రాజు'ను పట్టాలెక్కించే దిశగా ప్రయత్నాలు జరుగుతున్నాయనే ప్రచారం మొదలైంది.
ఈ నేపథ్యంలో 'భోళా శంకర్' మేకర్స్ తమ సినిమా త్వరలో సెట్స్ పైకి వెళుతుందనే విషయాన్ని తాజాగా స్పష్టం చేశారు. వచ్చేనెల 11వ తేదీన ఉదయం 7:45 నిమిషాలకు ఈ సినిమా పూజా కార్యక్రమాలు జరుపుకోనున్నట్టు చెప్పారు. అదే నెల 15 నుంచి ఈ సినిమా రెగ్యులర్ షూటింగును మొదలుపెట్టనున్నట్టు స్పష్టం చేశారు.
రామబ్రహ్మం సుంకర నిర్మిస్తున్న ఈ సినిమా, తమిళంలో ఆ మధ్య వచ్చిన అజిత్ 'వేదాళం' సినిమాకి రీమేక్. ఇది అన్నాచెల్లెళ్ల సెంటిమెంట్ చుట్టూ తిరిగే మాస్ యాక్షన్ మూవీ. తమిళంలో లక్ష్మీ మీనన్ చేసిన పాత్రను తెలుగులో కీర్తి సురేశ్ చేయనుంది. ఈ సినిమాకి మహతి స్వరసాగర్ సంగీతాన్ని అందిస్తున్నాడు. ఇక మెహర్ రమేశ్ నుంచి గతంలో 'కంత్రి' .. 'శక్తి' .. 'షాడో' సినిమాలు వచ్చిన సంగతి తెలిసిందే.
ఈ నేపథ్యంలో 'భోళా శంకర్' మేకర్స్ తమ సినిమా త్వరలో సెట్స్ పైకి వెళుతుందనే విషయాన్ని తాజాగా స్పష్టం చేశారు. వచ్చేనెల 11వ తేదీన ఉదయం 7:45 నిమిషాలకు ఈ సినిమా పూజా కార్యక్రమాలు జరుపుకోనున్నట్టు చెప్పారు. అదే నెల 15 నుంచి ఈ సినిమా రెగ్యులర్ షూటింగును మొదలుపెట్టనున్నట్టు స్పష్టం చేశారు.
రామబ్రహ్మం సుంకర నిర్మిస్తున్న ఈ సినిమా, తమిళంలో ఆ మధ్య వచ్చిన అజిత్ 'వేదాళం' సినిమాకి రీమేక్. ఇది అన్నాచెల్లెళ్ల సెంటిమెంట్ చుట్టూ తిరిగే మాస్ యాక్షన్ మూవీ. తమిళంలో లక్ష్మీ మీనన్ చేసిన పాత్రను తెలుగులో కీర్తి సురేశ్ చేయనుంది. ఈ సినిమాకి మహతి స్వరసాగర్ సంగీతాన్ని అందిస్తున్నాడు. ఇక మెహర్ రమేశ్ నుంచి గతంలో 'కంత్రి' .. 'శక్తి' .. 'షాడో' సినిమాలు వచ్చిన సంగతి తెలిసిందే.
