మరోసారి పాక్ బౌలర్ల విజృంభణ... న్యూజిలాండ్ 134/8

టీ20 వరల్డ్ కప్ లో పాకిస్థాన్ బౌలర్ల విజృంభణ కొనసాగుతోంది. భారత్ పై విజయంలో కీలకపాత్ర పోషించిన బౌలర్లు... నేడు న్యూజిలాండ్ తో మ్యాచ్ లోనూ తమ సత్తా చాటారు. పాక్ బౌలర్ల ధాటికి ఏ దశలోనూ కివీస్ బ్యాటింగ్ ఆశాజనకంగా సాగలేదు. ఓవర్లన్నీ ఆడి 8 వికెట్లకు 134 పరుగులు చేశారు. ఓపెనర్ డారిల్ మిచెల్ 27, డెవాన్ కాన్వే 27, కెప్టెన్ కేన్ విలియమ్సన్ 25 పరుగులు చేశారు. పాకిస్థాన్ బౌలర్లలో ఎక్స్ ప్రెస్ పేసర్ హరీస్ రవూఫ్ 4 వికెట్లతో కివీస్ రెక్కలు విరిచాడు. షహీన్ అఫ్రిది 1, ఇమాద్ వాసిం 1, మహ్మద్ హఫీజ్ 1 వికెట్ తీశారు.