రెడ్ లైట్ ఏరియా అమ్మాయిగా రకుల్!

అగ్ర హీరోలందరి సరసన నటించిన కథానాయిక రకుల్ ప్రీత్ సింగ్ కి ప్రస్తుతం తెలుగులో అవకాశాలు తగ్గాయనే చెప్పాలి. కొత్త అమ్మాయిల దూకుడుతో రకుల్ కాస్త వెనుకపడింది. ప్రస్తుతం తమిళంలో 'భారతీయుడు 2'లో నటిస్తున్న ఈ ముద్దుగుమ్మ గత కొంతకాలంగా బాలీవుడ్ పై దృష్టి పెట్టింది. ఈ క్రమంలో తాజాగా ఓ వేశ్య పాత్రను పోషించే అవకాశం రకుల్ కి ఓ హిందీ చిత్రంలో లభించినట్టు తెలుస్తోంది.

ముంబై రెడ్ లైట్ ఏరియాకు చెందిన యువతిగా ఇందులో ఆమె కనిపిస్తుంది. ఆ ఏరియాకు చెందిన ఓ ప్రముఖ వేశ్య నిజ జీవిత కథ ఆధారంగా ఈ చిత్రాన్ని నిర్మిస్తున్నారట. ఆమధ్య తాను హిందీలో చేసిన 'మార్జవాన్'లో కూడా రకుల్ వేశ్య పాత్రనే పోషించి గ్లామర్ కురిపించింది. ఇప్పుడు మళ్లీ అదే తరహా పాత్ర చేయడానికి కారణం, ఈ బయోపిక్ కథ, పాత్రను మలచిన తీరు ఆమెకు బాగా నచ్చడమేనట!