రేపు సాయంత్రం సీఎం కేసీఆర్ అధ్యక్షతన తెలంగాణ క్యాబినెట్ భేటీ

లాక్ డౌన్ ను మరో రెండు వారాలు పొడిగిస్తూ, కేంద్రం సరికొత్త మార్గదర్శకాలు విడుదల చేసిన నేపథ్యంలో తెలంగాణ క్యాబినెట్ సమావేశం కానుంది. రేపు సాయంత్రం 5 గంటలకు సీఎం కేసీఆర్ అధ్యక్షతన ప్రగతి భవన్ లో రాష్ట్ర మంత్రివర్గం సమావేశం కానుంది. లాక్ డౌన్ పొడిగింపు, తాజా మార్గదర్శకాలపై క్యాబినెట్ భేటీలో చర్చించనున్నారు. రాష్ట్రంలో నిర్వహించాల్సిన వ్యూహంపై ఈ సమావేశంలో చర్చించి ఓ నిర్ణయం తీసుకుంటారు. అంతేకాదు, వ్యవసాయ రంగానికి సంబంధించిన పలు అంశాలపైనా చర్చించే అవకాశాలున్నాయి.