Disha Pathani: సినిమా కబుర్లు.. సంక్షిప్త సమాచారం

 *  సుకుమార్ దర్శకత్వంలో అల్లు అర్జున్ హీరోగా రూపొందుతున్న 'పుష్ప' సినిమా కోసం ఓ ఐటెం సాంగును కూడా ప్లాన్ చేస్తున్నారు. ఇందులో బన్నీతో కలసి బాలీవుడ్ భామ దిశా పటానీ నటించే అవకాశం వుందని, ప్రస్తుతం ఆమెతో సంప్రదిస్తున్నారని తెలుస్తోంది.  
*  నాగ చైతన్య, సాయిపల్లవి జంటగా శేఖర్ కమ్ముల దర్శకత్వంలో రూపొందుతున్న 'లవ్ స్టోరీ' చిత్రానికి సంబంధించి ఇక పదిహేను రోజుల షూటింగ్ మాత్రం బ్యాలెన్స్ గా వుంది. లాక్ డౌన్ పూర్తయిన తర్వాత డేట్స్ సర్దుబాటును బట్టి జూలైలో ఈ షూటింగును పూర్తిచేశారట.  
*  అల్లు శిరీశ్ హీరోగా బొమ్మరిల్లు భాస్కర్ దర్శకత్వంలో ఓ చిత్రం రూపొందనుంది. ప్రస్తుతం అఖిల్ హీరోగా తాను రూపొందిస్తున్న 'మోస్ట్ ఎలిజిబుల్ బ్యాచిలర్' చిత్రం విడుదలయ్యాక తన తదుపరి చిత్రాన్ని భాస్కర్ శిరీశ్ తో చేస్తాడట. ఇందుకు సంబంధించిన స్క్రిప్ట్ వర్క్ జరుగుతోంది.