అంతర్జాతీయ ఫైటర్లతో ఛేజ్ సీన్ పూర్తయింది: ప్రభాస్

యంగ్ రెబల్ స్టార్ ప్రభాస్, ప్రస్తుతం యూవీ క్రియేషన్స్ బ్యానర్ పై రాధాకృష్ణ దర్శకత్వంలో ఓ సినిమాను చేస్తున్న సంగతి తెలిసిందే. ఈ సినిమాకు సంబంధించిన తాజా అప్ డేట్ ను తన ట్విట్టర్ ఖాతా ద్వారా ప్రభాస్ ఫ్యాన్స్ తో పంచుకున్నాడు. పూజ హెగ్డే హీరోయిన్ గా నటిస్తుండగా, ఈ సినిమాకు 'జాన్' అన్న టైటిల్ ప్రచారంలో ఉంది.

ఇక "అంతర్జాతీయ ఫైటర్ క్రూతో ఇప్పుడే ఓ క్యూట్ ఛేజ్ సీన్ షూటింగ్ పూర్తయింది. యూరప్ లో ఇక దీర్ఘ షెడ్యూల్ కు వెళ్లాల్సి వుంది. మరిన్ని అప్ డేట్స్ త్వరలోనే తెలియజేస్తాను" అని ప్రభాస్ తన ట్విట్టర్ ఖాతాలో వెల్లడించాడు.