నీకున్న తెలివితేటలు ఈ దేశంలో ఎవరికీ లేవు జగనన్నా!: కేశినేని నాని

సీఎం జగన్ పై టీడీపీ ఎంపీ కేశినేని మరోసారి వ్యంగ్యాస్త్రాలు సంధించారు. శాసనమండలి అవసరమా..? అంటూ సీఎం జగన్ చేసిన వ్యాఖ్యలపై నాని స్పందించారు. 'నీకున్న తెలివితేటలు ఈ దేశంలో ఎవరికీ లేవు జగనన్నా' అంటూ సెటైర్ వేశారు. ఒకవేళ ఎవరికైనా నీలాంటి తెలివే ఉంటే రాజ్యసభను కూడా రద్దు చేయమనేవారని ఎద్దేవా చేశారు. అసెంబ్లీని ఎక్కడైనా ఏర్పాటు చేయొచ్చని, రాష్ట్రంలో ఎక్కడ్నించైనా సీఎం పరిపాలించవచ్చని వైఎస్ జగన్ వ్యాఖ్యానించడం తెలిసిందే.