అందరితో కన్నీరు పెట్టిస్తోన్న ఫొటోలు!

విషాదకర జీవన పరిస్థితులకు సజీవ సాక్ష్యాలుగా నిలిచేలా ఉన్న కొందరి జీవితాలకు సంబంధించిన ఫొటోలను టర్కీకు చెందిన ఓ ఫొటోగ్రాఫర్ పోస్ట్ చేశారు. అందరితో కన్నీరు పెట్టించేలా ఈ దృశ్యాలు ఉన్నాయి.  అన్ని దేశాలు ఓకే భూ గ్రహంలో ఉన్నప్పటికీ పాశ్చాత్య దేశాలు, మిగతా దేశాలకు ఉన్న వ్యత్యాసాలు ఏంటో తన చిత్రాల ద్వారా వివరించి చెప్పారు.
     ఈ ఫొటోలను డాక్టర్‌ సారా హుమర్‌ తన ట్విటర్‌ ఖాతాలో వీడియో రూపంలో పోస్ట్‌ చేశారు. ప్రపంచంలో అభివృద్ధి చెందిన కొన్ని దేశాలలోని ప్రజలు, ముఖ్యంగా చిన్నారులు ఎలా ఉన్నారో,  మరికొన్ని పేద దేశాల్లో ప్రజలు ఎలా ఉన్నారో ఈ ఫొటోల ద్వారా వివరించారు. ఈ వీడియో బాగా వైరల్ అవుతోంది. ప్రపంచంలోని కొన్ని దేశాలు మనుషులను చంపడానికి ఉపయోగపడే యంత్రాలను తయారు చేస్తున్నాయని, వాటివల్ల పలు దేశాల ప్రజలు తీవ్ర ఇబ్బందులు ఎదుర్కొంటున్నారని నెటిజన్లు ఆగ్రహం వ్యక్తం చేస్తూ కామెంట్లు చేస్తున్నారు.