కొత్త ఇంట్లో కేసీఆర్ సంక్రాంతి సంబరాలు.. శుక్రవారం హైదరాబాదుకు తిరిగి రాక

ఎర్రవెల్లిలోని తన వ్యవసాయ క్షేత్రంలో ముఖ్యమంత్రి కేసీఆర్ కొత్త ఇంటిని నిర్మించుకున్నారు. ఎంతో ముచ్చటపడి కట్టించుకున్న కొత్త ఇంట్లో ఆయన సంక్రాంతి వేడుకలను జరుపుకుంటున్నారు. మూడు రోజుల నిద్ర తర్వాత రేపు ఆయన హైదరాబాదుకు తిరిగి రానున్నారు. మంగళవారం నాడు ఎర్రవెల్లి ఫామ్ హౌస్ కు ఆయన కుటుంబ సమేతంగా చేరుకున్నారు.

ఇంతకు ముందు అక్కడ ఉన్న పాత నివాసాన్ని కూల్చివేసి... అదే ప్రాంతంలో కొత్త ఇంటిని నిర్మించారు. డిసెంబర్ లో శాస్త్రోక్తంగా గృహప్రవేశం చేశారు. గృహప్రవేశం తర్వాత వచ్చే తొలి పండుగను కొత్త ఇంట్లో జరుపుకోవాలంటూ పండితులు చేసిన సూచన మేరకు... సంక్రాంతి పండుగను కొత్త ఇంట్లో జరుపుకుంటున్నారు.