ముహూర్తం ఖరారు.. ఈ సాయంత్రం బీజేపీలో చేరనున్న అంబికా కృష్ణ

టీడీపీ సీనియర్ నేత, ఏలూరు మాజీ ఎమ్మెల్యే అంబికా కృష్ణ బీజేపీ తీర్థం పుచ్చుకోబోతున్నారు. దీనికి సంబంధించి ముహూర్తం కూడా ఖరారైంది. ఇప్పటికే ఢిల్లీకి చేరుకున్న ఆయన... బీజేపీ జాతీయ కార్యదర్శి రాంమాధవ్ సమక్షంలో ఈ సాయంత్రం కాషాయ కండువా కప్పుకోబోతున్నారు. మరోవైపు టీడీపీపై బీజేపీ ఆపరేషన్ ఆకర్ష్ కొనసాగుతోంది. పశ్చిమగోదావరి జిల్లా నుంచి మరికొందరు కూడా బీజేపీలో చేరే అవకాశముందని అంటున్నారు.