జనసేన మేనిఫెస్టో హైలైట్స్

పవన్ కల్యాణ్ రాజమండ్రిలో నిర్వహించిన జనసేన ఆవిర్భావ దినోత్సవ సభలో పార్టీ మేనిఫెస్టోను ప్రకటించారు. ముఖ్యంగా రైతులను దృష్టిలో పెట్టుకుని జనసేన మేనిఫెస్టో రూపొందించినట్టు అర్థమవుతోంది. అంతేకాకుండా, మహిళలు, విద్యార్థులపైనా ప్రత్యేక శ్రద్ధ చూపించారు.

మేనిఫెస్టో ముఖ్యాంశాలు

• రైతు రక్షక భరోసా పథకంలో భాగంగా 60 ఏళ్లు పైబడిన అన్ని వర్గాల రైతులకు నెలకు రూ.5,000 పింఛను
• రైతుకు ఎకరానికి రూ.8000 సాగు సాయం
• భూములు కోల్పోయిన కుటుంబాలకు 2013 భూసేకరణ చట్టం కింద నష్టపరిహారం చెల్లింపు
• రైతులకు ఉచితంగా సోలార్ పంపుసెట్లు
• రాష్ట్ర పారిశ్రామికీకరణలో రైతులకు భాగస్వామ్యం
• తూర్పు, పశ్చిమగోదావరి జిల్లాల కోసం రూ.5,000 కోట్లతో గ్లోబల్ మార్కెట్ ఏర్పాటు
• ప్రతి మండలంలో గోడౌన్లు
• ఫస్ట్ క్లాస్ నుంచి పీజీ వరకు ఉచిత విద్య
• విద్యార్థులు కాలేజీకి వెళ్లడానికి ఉచిత రవాణా సౌకర్యం
• విద్యార్థుల కోసం డొక్కా సీతమ్మ పేరుతో భోజన క్యాంటీన్లు
• ప్రకాశం జిల్లాలో వెలిగొండ ప్రాజక్ట్ సత్వరమే పూర్తిచేయడానికి చర్యలు
• ఉత్తరాంధ్రలో నదులు అనుసంధానంపై ప్రత్యేక ఏర్పాట్లు
• లంచాలు తీసుకునే వీల్లేకుండా ప్రత్యేక వ్యవస్థ ఏర్పాటు
• అనేక గవర్నమెంట్ జాబ్స్ కోసం ఏడాదికి ఒక్కసారి ఫీజు కట్టించుకునే విధానం
• మహిళలకు 33 శాతం రిజర్వేషన్లు లభించేలా చర్యలు
• మహిళలకు పావలా వడ్డీతో రుణాలు అందజేత
• ప్రతి జిల్లాలో మహిళలకు ఆసుపత్రి, ప్రత్యేక బ్యాంకు
• డ్వాక్రా మహిళలకు పంచాయతీ ఎన్నికల్లో ప్రాధాన్యం
• ఉచితంగా గ్యాస్ సిలిండర్ల పంపిణీ
• బీసీలకు 5 శాతం రిజర్వేషన్లు వర్తింపు
• ముస్లిం సోదరుల కోసం సచార్ కమిషన్ సిఫార్సులు అమలు