ఆస్ట్రేలియన్ ఓపెన్.. ప్రీక్వార్టర్స్ లో నెగ్గిన సెరీనా విలియమ్స్

ఆస్ట్రేలియన్ ఓపెన్ మహిళల సింగిల్స్ లో టెన్నిస్ దిగ్గజం సెరీనా విలియమ్స్ ప్రీ క్వార్టర్స్ లో నెగ్గింది. రొమేనియాకు చెందిన టాప్ సీడ్ క్రీడాకారిణి నిమోనా హలెప్ పై విజయం సాధించింది. సిమోనాపై 6-1, 4-6, 6-4 స్కోర్ తేడాతో గెలుపొందిన సెరీనా, క్వార్టర్ ఫైనల్స్ లోకి దూసుకెళ్లింది. తొలి సెట్ ను కేవలం ఇరవై నిమిషాల్లో కైవసం చేసుకోగా, రెండో సెట్ ను సిమోనా దక్కించుకుంది.

దీంతో, మూడో సెట్ ఎవరు గెలుస్తారోనన్న ఉత్కంఠ అభిమానుల్లో నెలకొంది. ఓ దశలో 3-3 తో సమానంగా ఉన్న సమయంలో, సెరీనా మూడు బ్రేక్ పాయింట్లు సేవ్ చేసుకుని మ్యాచ్ పై పట్టు సాధించి, ఆపై ఆ సెట్ ను కైవసం చేసుకుంది. కాగా, బిడ్డకు జన్మనిచ్చిన తర్వాత తీసుకున్న గ్యాప్ అనంతరం సెరీనా తొలిసారి రాకెట్ పట్టుకుంది. ఇప్పటికే 7 సార్లు ఆస్ట్రేలియన్ ఓపెన్ లో సెరీనా విజయం సాధించింది. 24వ గ్రాండ్ స్లామ్ ను సాధించేందుకు సెరీనా ఉవ్విళ్లూరుతుండటం గమనార్హం.