ఈ ఆనందాన్ని మీతోనే కాదు, బాబాయ్ తో కూడా పంచుకోవాలనుకుంటున్నా!: ఎన్టీఆర్

ఈ ఆనంద సమయంలో నాన్న ఉంటే బాగుండేదని... నాకు తెలిసి నాన్న ఇక్కడే ఎక్కడో ఉండి చూస్తుంటారని జూనియర్ ఎన్టీఆర్ అన్నారు. నాన్న లేకపోయినా నాన్న హోదాలో ఇక్కడకు వచ్చిన బాబాయ్ కు పాదాభివందనం చేస్తున్నానని ఉద్వేగపూరితంగా చెప్పాడు. ఈ విజయానికి మీ ఆశీస్సులు అందజేసినందుకు ధన్యవాదాలు అని అన్నాడు. 'అరవింద సమేత' సక్సెస్ మీట్ లో మాట్లాడుతూ, ఎన్టీఆర్ ఈ మేరకు వ్యాఖ్యానించాడు.

ఈ సినిమా ఘన విజయం సాధించిన ఆనందాన్ని అభిమానులతోనే కాకుండా, బాబాయ్ తో కూడా పంచుకోవాలనుకుంటున్నానని చెప్పాడు. ఈ ఫంక్షన్లో ఇంతకన్నా తాను ఎక్కువ మాట్లాడితే బాగోదని... మీరందరూ బాబాయ్ మాటల కోసం ఎదురు చూస్తున్నారని తెలిపాడు. జోహార్ ఎన్టీఆర్.. జై ఎన్టీఆర్.. జోహార్ హరికృష్ణ... జై హరికృష్ణ అంటూ తన ప్రసంగాన్ని ముగించాడు.