'బిగ్ బాస్ 2'లో నేను లేను .. ఇది కొందరికి సంతోషంగా ఉంటుందని నాకు తెలుసు: శ్రీరెడ్డి

నాని వ్యాఖ్యాతగా రేపటి నుంచి 'బిగ్ బాస్ 2' ప్రసారం కానుంది. 16 మంది సెలబ్రిటీలు 100 రోజుల పాటు 'బిగ్ బాస్ హౌస్'లో ఉండబోతున్నారు. ఈ 16మంది సభ్యుల మధ్య అనునిత్యం చోటుచేసుకునే ఆసక్తికరమైన సంఘటనలతో ఈ షో కొనసాగనుంది. దాంతో బుల్లితెర ప్రేక్షకులంతా ఈ కార్యక్రమం కోసం ఎంతో ఆత్రుతగా ఎదురుచూస్తున్నారు.

ఇటీవలి కాలంలో సంచలన ప్రకటనలు చేస్తూ వార్తల్లో నిలిచిన సినీ నటి శ్రీరెడ్డి కూడా ఈ షోలో పాల్గొననున్నట్టుగా కొన్ని రోజులుగా వార్తలు వస్తున్నాయి. అయితే తాను ఈ షోలో లేనని తాజాగా శ్రీ రెడ్డి చెప్పింది. "ఇది నా దురదృష్టం .. నా స్నేహితులకు చేదు వార్త .. నేను 'బిగ్ బాస్ 2'లో పాల్గొనడం లేదు. ఇది నా సన్నిహితులను అప్సెట్ చేసినా, కొంతమందికి సంతోషాన్ని కలిగిస్తుందని నాకు తెలుసు. పోటీదారులు అదృష్టవంతులు .. 'బిగ్ బాస్ 2' బృందానికి ఆల్ ది బెస్ట్" అని ఆమె ఫేస్ బుక్ లో పోస్ట్ చేసింది.