ఆస్ట్రేలియాలోను 'భరత్' హవా .. అక్కడా ఓ రికార్డు!

ఇప్పుడు ఎక్కడ చూసినా అంతా 'భరత్ అనే నేను' సినిమాను గురించే మాట్లాడుకుంటున్నారు. కథా కథనాల పరంగా .. టేకింగ్ పరంగా .. మహేశ్ బాబు లుక్స్ పరంగా ఈ సినిమా మంచి మార్కులు కొట్టేసింది. తెలుగు రాష్ట్రాల్లోనూ .. అమెరికాలోనే కాదు, ఆస్ట్రేలియాలోను మహేశ్ బాబుకి మంచి క్రేజ్ వుంది. అక్కడ పెద్దసంఖ్యలో మహేశ్ సినిమాలను ఇష్టపడేవారు వున్నారు.

 అందువల్లనే ఆస్ట్రేలియాలో తొలిరోజునే ఈ సినిమా ఒక రేంజ్ లో దూసుకుపోయింది. అక్కడ 35 లొకేషన్లలో విడుదలైన ఈ సినిమా, 1.68 లక్షల ఆస్ట్రేలియన్ డాలర్లను రాబట్టింది. అక్కడ తొలిరోజున అత్యధిక వసూళ్లను సాధించిన తెలుగు చిత్రాల్లో 'రంగస్థలం' మొదటి స్థానంలో వుంది. 1.65 లక్షల ఆస్ట్రేలియన్ డాలర్లతో 'రంగస్థలం' పేరుతో వున్న రికార్డును, తాజాగా 'భరత్ అనే నేను' అధిగమించడం విశేషం.