రాహుల్ గాంధీ అభిమానులపై ప్రియాంకా గాంధీ తీవ్ర ఆగ్రహం!

ఉన్నావో, ఖతువా అత్యాచార బాధితులకు అండగా నిలుస్తామన్న అభయాన్ని ఇస్తూ, గత అర్ధరాత్రి కాంగ్రెస్ అధ్యక్షుడు రాహుల్ గాంధీ ఢిల్లీ నడిరోడ్లపై నిరసనలు తెలుపుతూ నడిచిన వేళ, అభిమానులు చేస్తున్న హంగామాపై ప్రియాంకా గాంధీ మండిపడ్డారు. ఈ నిరసన ఎందుకు తెలియజేస్తున్నామో తెలుసుకోకుండా నినాదాలు ఏంటని ఆగ్రహాన్ని వ్యక్తం చేశారు. ఇక్కడ అల్లరి చేసేవారు వెంటనే ఇళ్లకు వెళ్లిపోవాలని గద్దించారు.

 ప్రతి ఒక్కరూ ప్రశాంతంగా ఉండి, మాట్లాడకుండా నడవాలని సూచించారు. ఏ కారణంతో ఇక్కడికి వచ్చామో అర్థం చేసుకుని బాధ్యతగల పౌరుల్లా కాంగ్రెస్ కార్యకర్తలు పని చేయాలని అన్నారు. కాగా, తన భర్త రాబర్ట్ వాద్రాతో కలసి వచ్చిన ఆమె, ఇండియా గేట్ వద్ద రాహుల్ నిరసనలో జత కలిశారు. ఈ దేశం తమకు భద్రత నిస్తుందని ప్రతి మహిళా నమ్మేలా పరిస్థితులు మారాల్సి వుందని ఈ సందర్భంగా ప్రియాంకా గాంధీ అభిప్రాయపడ్డారు.