సినిమా కబుర్లు.. సంక్షిప్త సమాచారం!

*  ప్రస్తుతం 'నేల టిక్కెట్టు' చిత్రంలో నటిస్తున్న రవితేజ దీని తర్వాత సంతోష్ శ్రీనివాస్ దర్శకత్వంలో ఓ చిత్రం చేయనున్నాడు. తమిళంలో వచ్చిన 'తేరి' చిత్రానికి రీమేక్ గా రూపొందే ఈ చిత్రంలో ఓ కథానాయికగా  కేథరిన్ త్రెసాను ఎంపిక చేశారు. మరో నాయిక పాత్ర కోసం ఎమీ జాక్సన్ ను సంప్రదిస్తున్నారట.
*  మెగా హీరో సాయి ధరం తేజ్ హీరోగా కరుణాకరన్ దర్శకత్వంలో ఓ ప్రేమకథా చిత్రం రూపొందుతోంది. ప్రస్తుతం షూటింగ్ దశలో వున్న ఈ చిత్రానికి 'తేజ్ ది కూడా ఓ మంచి ప్రేమకథ' అనే టైటిల్ని నిర్ణయిస్తున్నట్టు సమాచారం. ఇందులో అనుపమ పరమేశ్వరన్ కథానాయికగా నటిస్తోంది.
*  ప్రముఖ నటుడు, మాజీ ముఖ్యమంత్రి దివంగత ఎన్టీ రామారావు జీవిత చరిత్ర ఆధారంగా మరో బయోపిక్ రూపొందనుంది. ఈ చిత్రాన్ని 'నందమూరి తారక రామారావు ఆత్మఘోష' పేరిట నట్టికుమార్ నిర్మిస్తారు.
*  మహేశ్ బాబు హీరోగా వంశీ పైడిపల్లి దర్శకత్వంలో రూపొందే చిత్రంలో 'అర్జున్ రెడ్డి' ఫేం షాలిని పాండే ఓ కీలక పాత్ర పోషించనున్నట్టు సమాచారం. అశ్వనీదత్, దిల్ రాజు కలసి సంయుక్తంగా నిర్మించే ఈ చిత్రంలో పూజా హెగ్డే కథానాయికగా నటిస్తుంది.