బాలీవుడ్‌ నటుడు ర‌ణ్‌వీర్‌ సింగ్‌కి ‘దాదా సాహెబ్‌ ఫాల్కే ఎక్స్‌లెన్స్‌ అవార్డు’

మంచి ప్రతిభ కనబరుస్తోన్న సినీ ప్రముఖులని దాదా సాహెబ్ ఫాల్కే ఫౌండేష‌న్.. ‘దాదా సాహెబ్‌ ఫాల్కే ఎక్స్‌లెన్స్‌ అవార్డు’తో స‌త్క‌రించాల‌నుకుంటోన్న విషయం తెలిసిందే. ఇప్పటికే ఈ అవార్డు కోసం బాలీవుడ్ హీరోయిన్ అనుష్క శర్మను ఎంపిక చేశారు. తాజాగా మరొకరి పేరును వెల్లడించారు.

పద్మావత్ సినిమాలో అల్లావుద్దీన్‌ ఖిల్జీ పాత్రలో నటించిన రణ్‌వీర్‌ సింగ్‌ను ఈ పురస్కారం వరించింది. ఈ సినిమాలో ఖిల్జీగా రణ్‌వీర్‌ సింగ్ నటకు ప్రేక్షకులు మంత్ర ముగ్ధులయిపోయారు. సంజ‌య్ లీలా భ‌న్సాలీ దర్శకత్వం వహించిన ఈ సినిమా మొదట వివాదాల్లో చిక్కుకుని, సుప్రీంకోర్టు ఆదేశాలతో విడుదలకు నోచుకుంది. ప్రస్తుతం రణ్‌వీర్‌ సింగ్‌ పలు సినిమాల్లో నటిస్తున్నాడు.