రెండు భాగాలుగా మహానటుడు 'ఎన్టీఆర్' మూవీ?

అతిరథ మహారథుల సమక్షంలో ఇటీవలే 'ఎన్టీఆర్' సినిమాను లాంచ్ చేశారు. నటుడిగాను .. రాజకీయపరంగాను ఎన్టీఆర్ జీవితం ఎన్నో అనూహ్యమైన మలుపులు తిరిగింది. ఈ రెండు రంగాల్లోనూ ఎంతోమంది మహామహులను కలుపుకుంటూ ఆయన ముందుకెళ్లారు. అందువలన ఆయన జీవితచరిత్రను రెండు గంటల్లో సంతృప్తికరంగా చెప్పడం సాధ్యం కాకపోవచ్చని దర్శక నిర్మాతలు భావిస్తున్నారట.

 ఈ సినిమా లాంచింగ్ రోజున ఇదే విషయాన్ని దర్శకుడు తేజ వ్యక్తం చేశాడు. ఎన్టీఆర్ సినిమాను 2 గంటల్లో చేయడం కష్టమనీ, కనీసం 6 గంటల నిడివైనా కావాలని ఆయన అన్నాడు. ఈ నేపథ్యంలో ఈ సినిమాను రెండు భాగాలుగా చేసే అవకాశం కూడా ఉందనే అభిప్రాయాలు వ్యక్తమవుతున్నాయి. కథానాయకుడిగా ఎన్టీఆర్ కెరియర్ ను గురించి చెప్పడానికే రెండు గంటల సమయం చాలదనే మాట అభిమానుల వైపు నుంచి కూడా బలంగానే వినిపిస్తోంది.