క్రికెట్ అప్ డేట్స్: నాలుగు వికెట్లు కోల్పోయిన టీమిండియా!

జోహన్స్‌బర్గ్‌లో ద‌క్షిణాఫ్రికాతో జ‌రుగుతోన్న చివ‌రి టెస్టు మ్యాచు రెండో ఇన్నింగ్స్ లో టీమిండియా నాలుగు వికెట్లు కోల్పోయింది. మురళీ విజ‌య్ 25, పార్థివ్ పటేల్ 16, లోకేశ్ రాహుల్ 16, చటేశ్వర్ పుజారా 1 పరుగు చేసి ఔటయ్యారు. ప్రస్తుతం క్రీజులో విరాట్ కోహ్లీ 41, అజింక్యా రహానె 19 పరుగులతో ఉన్నారు. దక్షిణాఫ్రికా బౌలర్లలో ఫిలండెర్ రెండు వికెట్లు తీయగా, రబాడా, మార్కెల్ చెరో వికెట్ తీశారు. ప్రస్తుతం టీమిండియా స్కోరు 134/4 (49 ఓవర్లకి) గా ఉంది. కాగా, మొదటి ఇన్నింగ్స్‌లో భారత్ 187 పరుగులు చేయగా, దక్షిణాఫ్రికా 194 పరుగులు చేసిన విషయం తెలిసిందే.