ప్ర‌పంచంలోనే అత్యంత ఖ‌రీదైన నెయిల్ పాలిష్... ధ‌ర రూ. 1,63,66,000

ప్ర‌పంచంలోనే అత్యంత ఖ‌రీదైన గోళ్ల రంగును లాస్ ఏంజెలీస్‌కి చెందిన అజాట్యూర్ అనే సంస్థ త‌యారుచేసింది. దీని ధ‌ర అక్ష‌రాల 250,000 డాల‌ర్లు.. అంటే రూ. 1,63,66,000. ఈ నెయిల్ పాలిష్‌ని 267 కేర‌ట్ల న‌లుపు రంగు వ‌జ్రాల‌ను మేళ‌వించి త‌యారుచేశారు. కేవ‌లం ఒకే ఒక్క బాటిల్‌ను త‌యారు చేసిన‌ట్లు సంస్థ ప్ర‌క‌టించింది. ఆ ఒక్క బాటిల్‌ను త్వ‌ర‌లో ఆన్‌లైన్‌లో అమ్మ‌కానికి పెట్ట‌నున్నారు.

గ‌తంలో మోడ‌ల్స్ ఓన్ అనే కంపెనీ త‌యారు చేసిన గోల్డ్ ర‌ష్ నెయిల్ పాలిష్ పేరిట ఉన్న రికార్డును ఈ కొత్త నెయిల్ పాలిష్ తిర‌గ‌రాసింది. గోల్డ్ ర‌ష్ నెయిల్ పాలిష్ ధ‌ర 130,000 డాల‌ర్లు .. అంటే రూ. 83 ల‌క్ష‌లు. ఇప్పుడీ బాటిల్‌ను ఎవ‌రు కొంటారో చూడాలి మ‌రి!