ఎమ్మెల్యే రోజాకు కూడా అవకాశం ఉంటుందన్న రామ్ గోపాల్ వర్మ

ఎన్టీఆర్ జీవిత చరిత్ర ఆధారంగా 'లక్ష్మీస్ ఎన్టీఆర్' సినిమాను దర్శకుడు రామ్ గోపాల్ వర్మ తెరకెక్కిస్తున్న సంగతి తెలిసిందే. ఈ నేపథ్యంలో చిత్ర నిర్మాత అయిన వైసీపీ నేత రాకేష్ రెడ్డి ఇంటికి (పలమనేరు) ఈరోజు ఆయన వెళ్లారు. ఈ సందర్భంగా ఆయన మాట్లాడుతూ, చిత్రంలోని పాత్రలకు సంబంధించి ఇంకా ఎవరినీ ఎంపిక చేయలేదని చెప్పారు. వైసీపీ ఎమ్మెల్యే రోజాకు కూడా ఇందులో అవకాశం ఉంటుందని తెలిపారు. ఈ సందర్భంగా నిర్మాత రాకేష్ రెడ్డి మాట్లాడుతూ, చిత్ర నిర్మాణానికి ఎన్ని కోట్లు ఖర్చైనా వెనుకాడబోమని అన్నారు. ఎవరి బెదిరింపులకు భయపడకుండా సినిమాను నిర్మిస్తామని తెలిపారు.