రీ మిక్స్ సాంగ్ లో తండ్రి స్టైల్లో అదరగొట్టేస్తోన్న బాలయ్య!

బాలకృష్ణ కథానాయకుడిగా పూరీ జగన్నాథ్ దర్శకత్వం వహించిన 'పైసా వసూల్' విడుదలకి ముస్తాబవుతోంది. ఈ నేపథ్యంలో ఈ సినిమా నుంచి ఒక సాంగ్ వీడియోను వదిలారు. 'జీవితచక్రం' సినిమాలో ఎన్టీఆర్ - వాణిశ్రీ పై చిత్రీకరించిన "కంటిచూపు చెబుతోంది .. కొంటెనవ్వు చెబుతోంది .. మూగమనసులో మాట ఓ పిల్లా" అంటూ సాగే ఆనాటి పాట ఇప్పటికీ సూపర్ హిట్టే.

 ఆ పాటను ఈ సినిమాలో రీ మిక్స్ చేసి .. బాలకృష్ణ - ముస్కాన్ పై విదేశాల్లో చిత్రీకరించారు. ఆ సాంగ్ వీడియోను కొంతసేపటి క్రితం విడుదల చేశారు. తండ్రి పాటలో .. ఆయనను ఇమిటేట్ చేస్తూ బాలకృష్ణ వేసిన స్టెప్పులు అభిమానులను విశేషంగా ఆకట్టుకుంటాయని చెప్పొచ్చు. అనూప్ రూబెన్స్ రీ మిక్స్ చేసిన ఈ సాంగ్, ఈ సినిమాకి ప్రత్యేక ఆకర్షణగా నిలిచే అవకాశం వుంది.