నిర్మాతగా మారే ఆలోచనలో బాలకృష్ణ?

కెరియర్ మొదలు పెట్టిన దగ్గర నుంచి బాలకృష్ణ ఫుల్ బిజీ. వరుస సినిమాలు .. వరుస విజయాలతో ఆయన తన దూకుడు చూపిస్తూనే వచ్చారు. తనకంటూ ప్రత్యేకమైన క్రేజ్ ను సంపాదించుకున్న బాలకృష్ణ, ఆ మధ్య 'నర్తనశాల' రీమేక్ తో నిర్మాతగా మారాలని చూశారు. కానీ కొన్ని కారణాల వలన ఆ ప్రాజెక్టు పట్టాలెక్కలేదు.

 అప్పటి నుంచి మళ్లీ నటనపైనే దృష్టి పెడుతూ వచ్చిన బాలకృష్ణ, ఇప్పుడు నిర్మాతగా మారే ఆలోచన చేస్తున్నారనే టాక్ ఫిల్మ్ నగర్లో వినిపిస్తోంది. తనకి అత్యంత సన్నిహితుడైన ఓ నిర్మాతతో కలిసి కొత్త బ్యానర్ ను ఏర్పాటు చేయాలనే ఉద్దేశంతో ఆయన ఉన్నారట. ఈ బ్యానర్ ద్వారానే మోక్షజ్ఞ ఎంట్రీ వుండే అవకాశాలు వున్నాయనే అభిప్రాయాలు కూడా వ్యక్తమవుతున్నాయి. జోరుగా జరుగుతోన్న ఈ ప్రచారంలో వాస్తవమెంతన్నది చూడాలి మరి.