కొత్త దందా....అందమైన అమ్మాయి ఫోన్ నెంబర్ కావాలంటే 500 సమర్పించుకోవాల్సిందే!
ఉత్తరప్రదేశ్ లో నయాదందా షురూ అయింది. అందమైన అమ్మాయిల ఫోన్ నెంబర్లను రీఛార్జ్ అవుట్ లెట్లు అమ్మకానికి పెడుతున్నాయి. అమ్మాయి అందాన్ని బట్టి అమ్మాయి ఫోన్ నెంబర్ కు ధర నిర్ణయిస్తున్నారు. అందమైన అమ్మాయి ఫోన్ నెంబర్ తెలుసుకోవాలంటే సుమారు 500 రూపాయలు, ఆ పైన ఖర్చు చేయాల్సిందేనని రీఛార్జ్ అవుట్ లెట్లు పేర్కొంటున్నట్టు తెలుస్తోంది. దీంతో ఆకతాయిల ఫోన్ నెంబర్ల నుంచి వస్తున్న ఫోన్ కాల్స్ తో యువతులు బెంబేలెత్తిపోతున్నారు. దీంతో ఈ మధ్య కాలంలో ఆకతాయిల ఫోన్ కాల్స్ పై ఫిర్యాదులు వెల్లువెత్తడంతో దర్యాప్తు చేసిన పోలీసులు మొబైల్ నెంబర్ల విక్రయం పెద్ద దందాగా మారిందని గుర్తించారు. 5,82,854 ఫిర్యాదులు మహిళల నుంచి అందుకోవడంతో రంగంలోకి దిగిన పోలీసులు, ఈ రాకెట్ ను రట్టు చేశారు.